【On.cc】詹天文稱宏福苑火災係「最好嘅安排」　跪低道歉：我詞不達意「聲夢小花

【On.cc】詹天文稱宏福苑火災係「最好嘅安排」　跪低道歉：我詞不達意「聲夢小花」鍾柔美（Yumi）和詹天文（Windy）日前齊出席《新城勁爆頒獎禮》拉票活動《我們的大熱唱2025》，事後Windy一番言論成為網民熱話，在網上瘋傳及遭鬧爆。片中，兩女在台上被電台DJ要求向大埔宏福苑災民送上祝福時，Windy以嚴肅的語氣說：「其實我係知道呢樣嘢後，真係好痛心，我想同佢哋講加油」，不過她再加一句「相信一切都是最好的安排，真係要樂觀去面對呢樣嘢」，就徹底釀成「世紀車禍」，除令她身邊兩位DJ感愕然外，連Yumi都一臉無言，只可零表情兼點頭附和。詹天文今次真係「一舉成名」…「相信一切都是最好的安排」令全城憤怒。詹天文承認祝福語係自己寫嘅。大批網民群情洶湧轟Windy「一舉成名」：「又一個唔經大腦嘅公關災難」、「火災都係最好嘅安排？」而Windy第一時間在網上「跪低」公開道歉：「對唔住，當時張紙嘅祝福語係自己寫嘅，本身諗住除咗講上面嘅內容，自己都再講多啲祝福，但詞不達意變咗Tag歌，講咗唔啱嘅說話，好抱歉，本身想表達嘅意思係相信一切都會好起來的，但講成呢句，讓大家覺得唔舒服，真心好對唔住，我之後會義演，多啲用行動幫助災民，幫手籌款，再次同大家道歉，對唔住。」之後再上載手寫的心意卡以示「有圖有真相。」亦有網民指她只是一時口誤：「相信佢係無心之失」、「佢上星期一口就應承做晒兩場音樂劇義演幫災民，係出心出力」，望其他網民原諒她。另外，她在無綫活動上再接受訪問時，更為自己失言而哽咽。不過佢本意係想祝福，係自己詞不達意。稍後佢會義演，用行動幫助災民。