最近有報道指喺上一輪聯賽烏甸尼斯作客費倫天拿，半場休息時辛尼奧路喺更衣室指責守門員奧基耶愚蠢地領紅牌，影響比賽嘅發展。而辛尼奧路亦因此半場被換走。技術總監盧卡蘭尼（Luca Nani）就喺今日否認呢個傳聞，佢話兩人之間並未有發生爭執，並表示辛尼奧路自己明白上半場已經拎咗黃牌，球隊亦需要喺轉變為 441 嘅陣式之後換人，因此平靜地接受被換走。蘭尼話佢自己喺賽前、半場同賽後都喺更衣室，球員係有失望嘅情緒，而佢亦注意到蘇列同派奧祖斯基之間有一啲爭論，但之後都放鬆咗落嚟，冇人將情緒發洩喺隊友身上。蘭尼亦表示球隊需要喺聖誕節開始集宿，呢個唔係懲罰，而係希望盡快集合一齊以最好嘅方式備戰嚟緊對拉素、科莫同拖連奴嘅比賽。 🇮🇹⚫️⚪️
