今年夏天退休嘅費奧倫斯最近接受訪問當中提到:自己11歲嘅時候同時得到拉素同羅馬嘅邀請，佢先到訪拉素嘅訓練基地，然後再去羅馬嘅，去到羅馬見過名將般奴干地並同對方交談，然後選擇來到羅馬，一直到31歲。對於自己喺羅馬嘅地標戰，佢只係記得入替托迪，踢咗3分鐘，冇掂過波。提到2014年面對卡利亞里，佢入波之後走上看台同 grandmother 擁抱慶祝，佢話自己嘅爺爺嫲嫲公公婆婆四大長老，當時就只係得呢位之前從來冇嚟過球場，已經85歲嘅 grandmother 仍然健在，賽前就叫佢嚟並承諾會安排好所有嘢，會有汽車接送令老人家唔使行太遠，並且話若果自己入波會走到對方面前。入波係發生喺20分鐘，比賽仲有70分鐘，因為咁樣嘅慶祝方式佢攞咗黃牌，廸羅斯當時就行埋嚟同佢講，「感覺好好係咪？所有嘢都好美妙係咪？不過若果你再攞多一張黃牌，咁我就會殺死你… 」費奧倫斯話佢嗰場比賽無再攞牌，亦都係佢職業生涯最美妙嘅時候。提到職業生涯最難應付嘅對手，佢話面對過美斯同基斯坦奴朗拿度，佢會向呢兩位致敬，但真正令佢最頭痛嘅係比列錫（Ivan Perisic），因為對方跑動能力極強，好難跟得上，而且向左向右都揮灑自如，身材亦都比佢自己高好多，佢較喜歡同身材跟自己相若嘅球員博弈，可以更加掌控到個節奏。
