蘇連遜頭槌入波，搵到個人第一個意甲入波。守門員哥維（EdoardoCorvi）

蘇連遜頭槌入波，搵到個人第一個意甲入波。守門員哥維（Edoardo Corvi）再次有出色嘅發揮，精彩嘅撲救；左中場安迪積卡（Jacob Ondrejka） 踢咗今季個人喺球場上最耐嘅一場意甲，亦都就一定威脅；基卡迪（Alessandro Circati）復出對帕爾馬後防有一定幫助。柏利斯（Fabiano Parisi）先踢右邊中場再轉去左邊中場硬淨程度不足，同埋互補性唔夠始終都係一個大問題。費倫天拿最好嘅機會落喺碧哥利身上，可惜佢龍門口頂斜。萊切主場面對科莫，前場壓迫攔截似乎唔係好見效果，反而拉開咗同防線之間嘅距離，令對方中場有更多時間更從容咁「出波」。柏斯喺第一粒入波前嘅擺脫防守動作從慢鏡頭睇嚟似乎係有多少打到林瑪丹尼（Ylber Ramadani），但會否至於如此痛苦倒地就留番俾大家思考。領隊迪法蘭西斯高過激投訴行為亦略顯唔夠理智…科莫有摩拉達同艾戴爾傷停，反而進場進攻效率提高咗，特別係前鋒嘅杜維卡斯（Anastasios Douvikas）表現幾搶眼，下半場佢還有一次倒掛射入不過就被判越位在先無效。除咗佢同尼高柏斯，今場貢獻兩個助攻、頂替艾戴爾踢右翼嘅科索沃球員禾活達（Mergim Vojvoda）都值得留意。科莫結束兩連敗，重回勝軌。意甲第17週賽事賽果-帕爾瑪1-0 費倫天拿拖連奴1-2 卡利亞里萊切0-3 科莫烏甸尼斯1-1 拉素比薩0-2 祖雲達斯AC米蘭🆚維羅納（稍後時間進行）基蒙尼斯🆚拿坡里博洛尼亞🆚薩斯索羅亞特蘭大🆚國際米蘭羅馬🆚熱拿亞 🇮🇹