尼日利亞前鋒杜奴辛美（Rafiu Adekunle Durosinmi）第一次為比薩上陣就取得入波，亦都係球隊今季第二個主場聯賽入波。來自捷克聯賽柏辛域陀尼亞，杜奴辛美對上一次上陣係一個月前嘅12月14號。比薩嘅多長傳，直接踢法，加上好有勇氣嘅表現係令到亞特蘭大踢得幾吃力。亞特蘭大新兵拉斯柏杜尼後備上陣，最初踢正前鋒，15分鐘之後作為卡斯度域（Nikola Krstović）身後嘅第二前鋒。70 分鐘，後者代替史卡雲尼，阿亞特蘭大改踢 4231 ，更加進取同更多壓前，亦都令到戰局更加開放，雙方都有更多機會。守門員卡尼錫基係佢哋近期表現得好集中、好專注嘅球員。勞達路馬天尼斯喺烏甸尼斯對國際米蘭嘅比賽取得第7個入波，係近十年呢個對碰入波最多嘅球員。艾斯普薛圖今季第5個各項賽事嘅助攻，據統計亦係第4次助攻俾勞達路馬天尼斯入波，的確好願意同隊友做配合，效果亦都唔錯。㨗禾尾段將艾簡積推上中場，艾卡比同廸維積先後後備入替；至於巴里拉近期狀態有啲跌watt…烏甸尼斯冇乜嘢進攻嘅選擇，缺少辛尼奧路嘅情況更艱辛，組織同反擊嘅力量亦都有限。中堅蘇列（Oumar Solet）應該係陣中表現最好嘅一個，推進能力、傳送同破壞都幾好。素來入波唔多嘅洛博卡（Stanislav Lobotka）一箭定江山，係佢第 177 次意甲上陣，取得第3個入波。征戰頻密嘅拿坡里，部份球員嘅比賽任務相當大，近期都冇乜輪換休息嘅機會，特別係麥湯米尼同凱倫，近18 場球隊嘅比賽，佢哋兩位17場踢正選。今場拿坡里就有後衛拉曼尼（Amir Rrahmani）、中場艾馬斯、進攻球員普列坦奴受傷或者感到不適；自家培訓嘅維加拿（Antonio Vergara）得到第一次喺意甲正選嘅機會。薩斯索羅缺少中場選擇，意大利 U21 國家隊隊長利 賓尼（Luca Lipani）正選上陣。佢哋攻門次數比拿坡里多10次，每一個正選場區球員都試過埋門。意甲第21週賽事賽果-比薩1-1 亞特蘭大烏甸尼斯0-1 國際米蘭拿坡里1-0 薩斯索羅卡利亞里1-0 祖雲達斯帕爾瑪🆚熱拿亞（稍後時間進行）博洛尼亞🆚費倫天拿拖連奴🆚羅馬AC木蘭🆚萊切基蒙尼斯🆚維羅納拉素🆚科莫serie a 🇮🇹
