【On.cc】孖蕭正楠一齊跑10k！黃翠如跟發哥跑步身體好幫佢有BB藝人黃翠如跟老公蕭正楠是首次跑馬拉松，她說：「跟咗發哥跑4年半，因為今年劉老師（劉江）80歲，所以我哋呢啲老弱殘兵都想參加。」她坦言未跟發哥跑步前身體很差，現時自覺身體很Ok，問到身為跑步新手的她能否跟上大家步速？她說：「我係跟住劉老師跑，佢今日比平時練跑快，我係跟住佢速度跑，今日好多人同佢打招呼，係佢80大壽一齊跑步好開心！」問到跟發哥一起跑的感受？翠如笑謂：「我哋平時同發哥跑佢好忙碌，因為要不停停低影相，我哋同老師前啲，發哥喺後面招呼群眾。」她指原先打算跟老公其中一人負責湊囝囝「哈哈」，帶囝囝在終點等對方衝線，阿蕭笑謂：「因為有BB喺終點佢先衝到線，哈哈！」他解釋後來大家也叫他一起跑，因此便決定跟太太一起參加，問到會否帶囝囝入發哥跑會？翠如笑謂：「佢係團孫，我哋畀心機做嘢就係因為要畀會費，你都聽到會費唔平。」問到會否有意突破自己下次跑更長路程？她斬釘截鐵表示：「冇！」阿蕭笑指太太是非常肯定：「頭先同佢講我哋幾浪漫又有多樣嘢一齊經歷，如果下次一齊跑半馬拉松又係一件新嘅事，但佢話一定唔會跑。」翠如即解釋：「以前身體好差，有醫生紙唔使上體育堂，4年半前開始跑步，身體慢慢好咗好多，幫我有BB！」她透露剛懷孕時也有慢跑，安胎期間則改為等大家跑完一起吃飯，問她體質改善可考慮生多個？她笑指自己「老啦！」翠如同阿蕭齊齊上陣。身體好咗！完成！攞埋牌！分享跟發哥跑步趣事。黄翠如萧正楠
