黎耀祥《楚漢驕雄》韓信演技掀熱議 網民盤點3屆視帝經典角色.近日有網民翻睇TVB經典劇《楚漢驕雄》，並於討論區以「覺唔覺黎耀祥做韓信啲演技好X顛」為題發文，直指「完全做到果種高傲，恃勢凌人果種氣勢」。
貼文引起熱議，不少網民大讚3屆視帝黎耀祥好戲，將韓信演得入型入格，上載影片大讚：「呢8分鐘就做哂韓信性格」「「軍事天才的自信、落魄時的隱忍、功成後的狂傲、為人處世的純粹（重情義）以及政治上的幼稚」、「有啲半澤直樹feel」、「柴九做韓信，真係做到開頭鬱鬱不得志，之後就一朝得志語無倫次」。
之後網民更細訴黎耀祥的經典角色，如《西遊記》的豬八戒、《巾幗梟雄》的柴九、《大太監》的李蓮英、《畢打自己人》的雜誌社社長等，留言「黎耀祥做豬八戒好入型入格喎」、「人生有幾多個十年？！」、「多情自古空餘恨，此恨綿綿無絕期」、「畢打自己人佢做社長都做得好好，個種亦正亦邪既感覺」。TVB
