上年“十优港姐”麦明诗

就试过口多多

爆老友冯允谦结婚

被网友吐槽低情商喔

点知前排

自己就被摄影师“口多多”

泄露新娘照

只见摄影师发布嘅相中

麦明诗着上短袖婚纱

乖乖坐住俾人梳妆

更配文“今日嘅新娘子”

而坐喺后方嘅“新郎哥”

虽然只露出半只眼

但含情脉脉个冧样

隔住屏幕都feel到满满爱意啦

动态一出

就有人猜测

两人係唔係已经正式

拉埋天窗啦

两人自去年认爱后

网友们都纷纷送出祝福

依家更係表示

“才女终于衬翻靓仔啦”

▓▓▓▓▓▓▓▓▓░░░░努力加载中……

作为圈中公认嘅才女

麦明诗选港姐时

仲曾经以“翻版杨采妮”出圈

集美貌与智慧一身嘅佢

拍剧仅仅两年时间

就凭借《是咁的，法官阁下》嘅

“夏心宁”一角

提名“飞跃进步女艺人”

同“最佳女主角”

上位快过坐火箭喔

不过冇几耐

佢好快就宣布淡出娱乐圈

转投法律界

做一个普通上班族

而佢嘅感情生活

一直都备受关注嘅

唯一承认过嘅前男友林作

被网友称为佢嘅“人生污点”

事关呢位“大状男友”

唔单止经常炒作双方恋情

仲经常传出夜蒲

一转头又唔承认

麦明诗嘅“女友”身份

而麦明诗曾被影到

痛哭离家出走

之后麦明诗喺节目上

多次讲起都十分动情

并主动表示“唔后悔”

经历一段空窗疗养期

上年麦明诗终于再认爱

就係现任嘅

靓仔飞机师男友盛劲为

盛劲为曾经担任初级副机师

之后参加《冲上云霄大选》入圈

依家always喺剧集中跑龙套

虽然网友多次调侃男方“食软饭”

但两人依然自在甜蜜

就连女方妈妈都止唔住笑容

表示自己封嘴唔敢多讲

放话囡囡中意就得

睇嚟对“女婿”印象唔错喔

Anyway

无论两位拉埋天窗未

靓仔才女嘅爱情

都获得大家祝福

希望佢哋早日官宣好消息啦！

来源：可乐生活Color微信公众号

编辑：张子殷

审核：曾敏妍

签发：骆苹