【On.cc】RubberBand相隔3年二度美加開唱 成員十分期待樂隊RubberBand《A Night In World Tour 2026》美加站，將於2026年正式展開，分別會去三藩市，溫哥華，多倫多和紐約等城市，今次是RubberBand相隔3年二度到訪美加舉行音樂會，今次更新增三藩市及紐約兩站，4位成員表示十分期待。主音6號表示：「今次就如我哋嘅主題『A Night In』，就係邀請大家嚟到我哋嘅音樂會，歡聚一晚，聽我哋嘅音樂，到時就會好似我哋嘅海報用色一樣咁繽紛、歡快，相信我哋同樂迷一樣，都會歡度一個愉快嘅晚上。」6號更透露既然是「A Night In」，每晚當然會送上獨家獻禮，擁有該場的專屬歌曲，至於是甚麼歌曲就要等到演出當晚才會揭盅了。由於可能會遇上寒冬天氣，令6號倍加擔心，他說：「3年前喺荷蘭阿姆斯特丹曾經因為太凍而病倒，結果未能夠發揮到最佳水準，呢樣嘢係我一直耿耿於懷。今次我會帶備足夠嘅禦寒衣物，大褸自然少不免，唔會再重蹈覆轍。」雖然音樂會還未舉行，但眾人均表示滿腦子已載滿想要去遊玩的地方和想去品嘗的美食，若樂迷在音樂會以外的地方與四子相遇，RB眾人都表示屆時不必怕醜，可以上前打個招呼，因為實在機會難得呢！RubberBand相隔3年二度美加開唱。RubberBand氣勢如紅。RubberBand施展渾身解數。RubberBand炒熱全場氣氛。
