平安夜前夕嘅壓軸好戲，雄心壯志嘅水晶宮挑戰阿仙奴嘅倫敦打比喺1/4決賽上演，雙方都幾乎祭出全數主力。「兵工廠」佔據主導，半場嘅攻勢大部份來自左路嘅馬田利尼突破同策動，水晶宮保持不失都算好彩。拿確斯（Maxence Lacroix）今場波都幾黑仔，先係喺下半場烏龍波令到阿仙奴取得領先，及後喺十二碼決勝到死亡入球第八回合射失，令水晶宮最終總比數輸8-9飲恨出局。有意思嘅係雙方十二碼處理除拿確斯外全部射入，近年難得一見；而阿仙奴守門員基柏全程撲向自己右手邊，最終俾佢「賭贏」咗。佢哋闖過呢一關之後，準決賽將會面對另一支倫敦球會車路士，而曼城就會迎戰紐卡素。 🏴
