瑪利斯卡同艾瑪利嘅調兵遣將能力嘅高低對比，相信呢一仗過後大家都一目了然。近乎有60多分鐘維拉係出於被動挨打嘅局面，車路士嘅壓倒性優勢相當明顯。不過艾瑪利自58分鐘換入屈堅斯之後，情況逐步有好轉。呢位英格蘭翼鋒全場四次埋門攻入兩球，係球隊獲勝嘅關鍵，全隊亦都由上半場零射門到下半場嘅11次… 伊恩麥特臣（Ian Maatsen）下半場都嚇咗大家一跳，喺對位柏杜尼圖嘅一次防守中個傳中波打落佢手臂，不過球證就未有任何表示，維拉算係逃過一劫。而佢及後一次插上起腳，就被山齊士擋出。維拉喜迎各項賽事11連勝，聯賽8連勝，更連剋阿仙奴、曼聯同車路士，勢頭無人能擋。車路士嘅演繹唔差，列斯詹士37分鐘嘅角球直接入網尤為精彩，不過官方就認為揼中祖奧柏度隻腳，入波計落後者。下半場瑪利斯卡嘅調動就確實令人費解，抽走奔跑能力覆蓋面大嘅古卻利拿減少對屈堅斯嘅牽制絕對係一大敗筆，而查洛巴同巴迪亞舒尼（Benoît Badiashile）喺對抗上都明顯輸蝕。利物浦方面，加雲貝治入波加上韋斯開齋，為史諾同球隊聖誕節後送溫暖，喜迎各項賽事四連勝兼聯賽三連勝衛冕之師得以保留繼續爭標嘅希望，之不過還要繼續睇另外兩隊前四球會嘅面色。曼城作客艱難取勝諾定咸森林，查基繼續有好表現，加上賴達斯早段嘅入波，令佢哋未有「跌車」繼續緊隨榜首嘅阿仙奴。而後者喺主場面對白禮頓贏得一樣唔輕鬆，若非路達嘅烏龍波，個頭把交椅都幾「牙煙」。英超第18週賽事賽果-曼聯1-0 紐卡素諾定咸森林1-2 曼城利物浦2-1 狼隊韋斯咸0-1 富咸阿仙奴2-1 白禮頓賓福特4-1 般尼茅夫般尼0-0 愛華頓車路士1-2 阿士東維拉辛德蘭🆚列斯聯（稍後時間進行）水晶宮🆚托定咸熱刺 🏴
