費倫天拿今季第一次聯賽作客贏波，近兩三場，「紫百合」嘅配搭同隊型都算係比較成形，比較似樣。呢場都可能係費倫天拿今季際遇最好嘅一場比賽，杜杜嘅傳中原本碧哥利失機，誰知富拿（Remo Freuler）將個波撞返轉頭又俾返佢射入。文達哥拿今季入到第6個聯賽入波，繼續刷新個人單季聯賽最多入波紀錄。半場博洛尼亞換4個球員，包括換入法比安，明顯都想多啲製造兩邊傳中，高空進襲，但費倫天拿大致上應對都唔錯，兩邊中場好肯回防幫閘位，文達哥拿嘅協防都做得唔錯。博洛尼亞同拖連奴係今季僅有兩隊用盡每一場換人名額嘅球隊。，而佢哋都好經常將防線推前，前場壓迫，防線身後有唔少空位，但今場一對二閘賀姆同米蘭達失誤都算比較多，尤其係右邊。博洛尼亞同拿玻里兩隊入咗意大利超級盃決賽嘅球隊，都係近一個月比賽最密集嘅意甲球隊，狀態有啲飄忽，銳利感唔夠都係可以理解，前鋒卡斯祖同普比加係近期狀態有所提升嘅球員。戴巴拿一個入波一個助攻，馬倫第一次上陣就入波。呢兩位嘅合作比想像中好，後者願意走動，前者亦都樂於合作同輸送。戴巴拿第10次喺意甲對住拖連奴入波，今場有5次埋門，全場最多。羅馬進攻嘅節奏同流暢度唔錯，特別係上半場。球隊另一前鋒新兵，18歲嘅華斯都有後備上陣，並有一次中路右腳射門中目標；基拿迪入受傷嘅靴姆素打左中堅表現稱職，羅馬繼續係意甲失波最少嘅球隊。基奧雲尼施蒙尼全場坐後備，未有上陣有點令人意外；拉沙路（Valentino Lazaro）算係參與度比較高嘅拖連奴中場球員。意甲第21週賽事賽果-比薩1-1 亞特蘭大烏甸尼斯0-1 國際米蘭拿坡里1-0 薩斯索羅卡利亞里1-0 祖雲達斯帕爾瑪0-0 熱拿亞博洛尼亞1-2 費倫天拿拖連奴0-2 羅馬AC米蘭1-0 萊切基蒙尼斯🆚維羅納（稍後時間進行）拉素🆚科莫serie a 🇮🇹
