彼真歷宣布正式掛靴｜告別文以樂喻球🇧🇦35歲波斯尼亞中場彼真歷周二宣布掛靴，呢名曾效力羅馬、祖雲達斯及巴塞隆拿嘅球星，以一篇將足球喻為音樂嘅長文告別近二十年嘅職業生涯。彼真歷喺IG發表告別文：「我一生都演奏著自己嘅旋律，每次觸球、傳球、射門都係音符。足球係我嘅音樂，球場係我嘅鋼琴。呢首交響樂，就係我嘅一生。」佢感謝家人給予「最初嘅支持與無聲力量」，並向教練、隊友與球迷致謝。彼真歷職業生涯高峰喺意甲度過，效力羅馬期間上陣185場攻入30球、貢獻44次助攻，成為中場核心；轉投祖雲達斯後，出戰178場意甲貢獻22球及42次助攻，隨隊贏得4座意甲冠軍、2次意大利盃。佢亦曾為波斯尼亞國家隊出戰115場攻入17球，其技術型中場風格與視野，將長留球迷記憶。內容資料擇自- beINSPORTS------------------------------------------------
