愛•回家🇧🇷🛬費林明高官方宣布，柏基達亦已抵達巴西里約熱內盧，準備正式簽

愛•回家 🇧🇷🛬費林明高官方宣布，柏基達亦已抵達巴西里約熱內盧，準備正式簽約，大批球迷喺機場等待，球員亦同球迷擁抱，自拍，唱歌同跳舞。28歲巴西中場「爆機達」從韋斯咸，轉會重返母會費林明高，據報導轉會費合共 4200 萬歐元，第一期先支付 1500 萬歐元，之後再分三期每期支付 900 萬歐元。重返巴西對佢嚟講應該可以解開一切心結…柏基達- 各位「錘仔幫」球員、職員同埋球迷：「我想多謝球會嘅每一位：職員、員工同隊友，多謝呢幾年嚟一齊度過嘅時光。呢段日子好獨特，亦令我好難忘。當中有開心，亦有唔開心。但我一直都盡力做到最好——大家都明白點解我而家已經做唔到落去。我有啲一世都磨滅唔到嘅傷痕，而其中一個傷痕令我明白到，我唔可以再為一啲唔再屬於我嘅嘢去拼命。我拒絕咗其他歐洲強隊嘅邀請。我從來冇要求過要「轉會離隊」，我只係要求「返屋企」。我希望有一日你哋會明白，冇嘢比返屋企更溫暖。為咗我嘅心理健康，亦為咗我嘅太太同仔女，我需要咁做。我需要重新搵返踢波嘅樂趣，搵返內心嘅平靜。我發現如果留喺度，我仲要應付一啲唔再屬於我嘅戰鬥。呢件事同球會目前嘅成績無關。我剛嚟到嘅時候，我哋都面對過類似嘅挑戰，但最後我哋贏咗個冠軍，呢份榮耀會永遠留喺歷史度。我知道有啲人未必會對我有好感，我好抱歉- 但嗰球傳畀查路保雲嘅助攻，係出自一個始終堅持夢想嘅人。我要返屋企喇，但我會一直支持你哋。多謝你，韋斯咸。」Lucas Paquetá