周嘉洛將陳瀅關係降呢：佢係少見嘅朋友！.藝人周嘉洛今日（31日）以嘉賓身份出席幼稚園及幼兒中心的聯校運動日活動，教小朋友做運動，更「金城安」上身，邊做運動邊搞笑。對於緋聞女友陳瀅日前和傳足一年的緋聞男友Howie睇韓國女子天團BLACK PINK巡迴演唱會香港站場，兩人高調合照，玩得盡興時，他表示沒冇留意：「佢睇咩騷同邊個睇都唔知，呢排我哋少見面，都冇乜特別嘢，（唔約陳瀅睇騷？）我都唔睇騷，之前都講過我唔係咁叻維繫朋友關係嘅人，（現時同陳瀅咩關係？）少見嘅朋友，我同朱仔（朱敏瀚），JW（王灝兒）及張振朗都少見咗，大家都多嘢做，呢啲男男女女嘅嘢，阿瀅都多嘢做。」又指現時單身，加上事業心重，所以感情事不多想。
至於工作方面，嘉洛謂尚有3齣劇未推出，現時主力拍處境劇《愛．回家之開心速遞》，暫時未有新劇接拍，所以趁空檔就勤做運動，30歲的他謂：「近期在意咗健康，可能人到中年，我唔係身體唔舒服，但可以再Fit啲，不過心智年紀都55歲，覺得可以早啲覺悟注重健康。」
問可會向電視台監製自薦？他就話一向抱積極中又被動的心態，從不會搲撈，深信吸引力法則可招來工作，他說：「只要裝備及狀態俱佳，工作和姻緣自然會搵我。」
TVB
