【On.cc】柯煒林確診肺腺癌第4期　宣布停工：我打慣逆境波

曾獲提名金像獎及台灣金馬獎「最佳男配角」嘅演員柯煒林（Will）今日（30日）發文，表示自己確診肺腺癌第4期，並公布心路歷程，宣布要休息治療。

現年先33歲嘅柯煒林表示：「我確診肺腺癌第四期。五月尾開始，一直在咳，先看普通科醫生，食過兩次抗生素，一直沒斷尾，轉看呼吸道專科，照過CT，發覺有異樣，再轉介到另一位專科醫生，醫生看過報告，面有難色『醫生面色咁差，cancer？』我打哈哈，那時還道是肺癆。入醫院作詳細檢查，兩三天過去，然後…就是被告知肺腺癌第四期。」

柯煒林宣布患肺腺癌第4期。

柯煒林指自己五月尾開始一直咳，入醫院作詳細檢查後發現患癌。

柯煒林指當時得悉消息後即變得腳步不穩，每步好似踩空咁，頭亦都痛，但照過MRI腦無事：「那應該是心理作用，總想睡，想逃避。口說想放假，但其實愛工作。我有把工作當工作嗎？大部分時間沒有，全情投入的那些工作縱多辛苦也享受。每次見完醫生就是致電meko討論該怎應對未來的工作。檢查完成出院那天，回家洗過澡後就去排戲，反正待在家也只是等待。」他續指：「《笨蕉大劇院》，人生第一個舞台劇，最期待第一場公演講第一句對白時，身體會有甚麼反應，會起雞皮嗎？會口震嗎？台下觀眾反應會係點呢？就係諗都已經好爽皮。偏偏一切看似順利時，就確診肺腺癌第四期。我剛剛開始食鏢靶藥，不知道身體會有甚麼反應，副作用又會是甚麼，問過醫生能否上台，醫生說取決於身體狀況。種種未知及不確定因素，我只能坦誠相告，我需要暫且退下來，直至病情明朗化才可歸隊。這段期間，除見醫生做檢查要請假外，我到排練室，不是為了讓自己分心，是為了可以上台。我希望能自己上場，更希望五十場都可以跟大家見面。微小的希望，微小的渴求，微小的念，身邊所有人微小的支持，我靠着這樣那樣的微小走下去。」

柯煒林被強制休息，佢直言：「唔emo唔想XX個天XX全世界就假。我google『如何接受自己患癌症。』好似有五步，否認、憤怒、討價還價、沮喪到接受。文中提及最常問『點解係我？』我問過，兩次，直到見到老竇攬住我喊講咗句點解唔係佢，那刻，我慶幸有個咁錫我嘅老竇，更慶幸有事嗰個唔係佢或者係我愛的人，漸漸的接受自己有cancer這事，就只是念。由確診到現在，眼見身邊的人比我更難受，比我更著急。淚水雖在眼眶打轉，酒粒仍在。斷估嗰天無咁快想收走粒酒粒嘅，呢個業務用酒粒聽講好多人鍾意，你收走佢，佢哋X到你飛天，哈。這個時候，能笑的，要笑得更大力。感謝公司，有你們在旁打點，我並不孤單，我真係覺得自己無簽錯公司，X你，我眼光好X好！有機會碰頭的，別跟我說『加油。』我們活在這瘋狂的年頭已夠加油了。一個微笑點頭或💪🏻手勢，唔怕老套樣衰嘅大叫『USH ！我愛你！』，讓我知道我們同在就夠。現在希望各位可以保留一點空間予自己及家人。別太多建議，會亂，身邊有專業的團隊處理身體小毛病的事宜，感謝。放心，無事嘅。我打慣逆境波。如常生活，生活如常。Love you all ;) 我知道我是被你們寵愛的。」

柯煒林指剛剛開始食鏢靶藥，但佢依然照去排練室。

柯煒林被強制休息，輕鬆爆粗叫大家放心。

佢會加油打贏呢場仗。

影后袁詠儀（靚靚）曾在電影《別叫我賭神》內與柯煒林合作，當時拍攝過程相當愉快，事後也曾經在工作場合碰過面。靚靚對柯煒林的印象很好，力讚對方是陽光男孩，所以聞得柯煒林病重也大表愕然：「好記得佢喺片場唔係好出聲，好專注咁研究自己嘅演出，不過就日日笑面迎人，所以我覺得佢係好正能量嘅，就如佢所講，我絶對相信佢能夠打嬴呢場逆境波，真心支持佢！」

衛詩雅回應好友柯煒林病情也不禁表示：「剛剛知道，非常之傷心、非常之傷心。佢係好健康同好樂天嘅大男孩，依家醫學科技咁發達，我相信佢一定能夠好番，我哋所有朋友都會陪伴住佢，支持佢！」；而影后余香凝亦有轉分享打氣道：「把所有愛和祝福都給這位陽光男孩，一定會很快好起來的！」

余香凝亦有轉分享為柯煒林打氣。