【明報即時】聲秀｜譚耀文幫蕭凱恩跳出Comfort Zone 蘇永康孖甄敏芳合唱 獲讚唱功再進步
譚耀文為視障學員Michelle跳出Comfort Zone，阿譚還託音樂界好友找來歌曲原唱者露雲娜，親臨錄音室教授Michelle。（無綫提供圖片）
無綫歌唱比賽《聲秀》周日（17日）播出一集，7位導師蘇永康、譚耀文、劉浩龍、吳浩康、泳兒、鍾舒漫和胡鴻鈞，將率領旗下學員在「導師策略戰」中對決，本集回合為「導師助力戰」，由導師與學員合作演唱。
5名評判為趙增熹、舒文、陳奐仁（Hanjin）、郭偉亮（Eric Kwok）及周錫漢。今集演唱歌單如下：泳兒、徐惠晴Vanessa《感應》；吳浩康Deep、陸卓謙Jeffrey《給愛麗絲》；蘇永康、甄敏芳Jenny《來夜方長》；劉浩龍、鄧偉謙Theodre《朋友二號》；鍾舒漫、司徒泆Haru《Sugar In The Marmalade》；譚耀文、蕭凱恩Michelle《講男講女》；胡鴻鈞、周智敏Emily《永久損毀》。
今集焦點落在兩位「Daddy系導師」—譚耀文（譚哥）及蘇永康（阿公）身上。先說譚耀文，為了令擅長演繹Classic曲風的視障學員蕭凱恩Michelle迎來突破、跳出Comfort Zone，阿譚為她挑選R&B曲風的《講男講女》，當中尤以節奏感和律動動作最具挑戰性。
對於Michelle勇於接受挑戰及努力苦練，譚耀文大讚：「佢好勤力、好乖。」他除親臨Michelle屋企附近一對一指導，還託音樂界好友找來歌曲原唱者露雲娜，親臨錄音室教授Michelle，相當有心！露雲娜向Michelle大派定心丸："You can do so well, I am sure"，令Michelle相當感動。
露雲娜受訪時對Michelle讚不絕口，並表示要開電視支持Michelle：「首歌唔易唱，我第一次聽Michelle唱我好開心，因為佢好乖、練熟晒歌詞，同埋佢把聲同唱功都非常之好」、「我好鍾意佢，佢好開心正面同真誠，好感動到我，個人真誠唱起歌上嚟都特別好聽。」
經阿譚細心安排一連串特訓後，Michelle上台表演一刻揮灑自如、還以曼妙歌聲俘虜評判。手緊王「趙增熹」說：「我一聽到佢（Michelle）開口係好大嘅surprise，係一把新嘅Michelle嘅聲。」郭偉亮說：「你有晒感情、氣聲、轉音、好多Tone，好interesting，同埋最主要你係有passion。」
在第一Round已被公認為Daddy的阿公，在學員甄敏芳Jenny排練《來夜方長》時，繼續無微不至，給予對方滿滿情緒價值。自少缺乏讚賞及自信的Jenny，坦言阿公的鼓勵及肯定令她叉足電：「原來有人認同係咁樣嘅。」蘇永康語重心長謂：「希望佢透過呢個比賽，可以遇到多啲同路嘅朋友，佢就會知道更多自己長處，或者短處喺邊度。」阿公貼心叮囑Jenny、並以「爸爸」自居：「爸爸is everywhere。」
表演完畢後，Jenny大爆阿公貼心行徑：「我每次唱歌之前，都會好緊張，我就會唔食嘢。但佢竟然特登買咗個早餐畀我，真係好感動。」最終，2人將表演主題定為「爸爸看著愛女出嫁」，搞笑的是獲正評的竟是阿公本人，舒文說：「（阿公）比當年唱得仲好咗。」
（即時娛樂）
