【On.cc】許靖韻自爆有閃婚可能 豪言要打鐵趁熱
「小背心」許靖韻將於11月29日假麥花臣場館舉行《Glowing巡迴音樂會》，日前她接受訪問時，指個唱名源自唱校園騷時，有中學生稱自她參加內地綜藝節目《創造101》時已追隨，她說：「當時佢係小學生，希望佢讀大學時仲繼續睇我演出，就係因為呢件事，令我諗到用Glowing為演唱會主題，想同大家一齊成長，閃閃發光。」
許靖韻將於11月尾開騷。
出道13年，問到感情方面可有「成長」？她忍不住笑說：「感情狀態很好」，坦承身邊有不少會送花及首飾的追求者，但未揀到「啱嘅人」，再謂：「我唔拍散拖，感情穩定又或者訂咗婚、求婚後先公開，我唔排除閃婚，理想對象係成熟型，唔鍾意小鮮肉。」自認一拍拖就全情投入，和初戀男友認識了兩周就拍拖，所以覺得愛情要「打鐵趁熱」，但不代表她心急嫁人，因曾計劃30歲結婚，但現時已32歲，既然「遲了都遲」就可以歎慢板。
她承認身邊有不少追求者。
她自爆不排除閃婚。
愛成熟男，不愛小鮮肉。
雖然戀人未滿，但近年在內地狂賺「人仔」，被指已是擁有兩個物業的小富婆，她表示代價是要承受每月3萬多的供樓壓力，但為圓媽媽住大屋的夢想，打算以樓換樓方式為家人在荃灣區置四房大單位，更有信心謂：「希望1年內達成。」
近年狂賺人仔的她，自言有供樓壓力。
