張頴康宣布離巢效力TVB19年.43歲的張頴康今日（10日）凌晨張頴康在IG發

張頴康宣布離巢 效力TVB19年

.

43歲的張頴康今日（10日）凌晨張頴康在IG發文宣布離巢TVB，結束長達19年的賓主關係。張頴康撰長文表達不捨：「再見了TVB！所以喺TVB嘅最後一日，影咗啲相留念！」

張頴康獲劉德華公司發掘，於2000年入行，初期有「劉德華契仔」之稱。張頴康雖然演出過多部電影，但星運一般，直到2006年在劉德華推薦下加入TVB，一直工作至今。張頴康在IG留言：

19年，真係一個唔短嘅日子！拍完最後一個鏡頭，原來眼淚真係會忍唔住留咗出嚟！

19年前，華哥（劉德華）安排咗我加入TVB嘅訓練班，希望我可以好似佢同家棟哥哥一樣，接受TVB木人巷嘅訓練！我好記得入TVB前，家棟哥哥同我講咗句說話：『入到去，乜都唔好理，耷低個頭就做，你一定會學到嘢！』確實，遵從呢句說話，19年後我真係成為咗一位實實在在嘅演員！多謝華哥同家棟哥哥！

同10年前我攞飛躍進步男藝員上台時講嘅一樣，我要多謝家豪哥、小青姐、黃偉聲、張乾文、陳志江、方俊釗，多謝你哋俾咗好多機會我，成就我演出咗多個感動到觀眾嘅角色！喺最近呢幾年，我好慶幸可以同77工作室合作多部劇集！我特別要多謝佳哥（鍾澍佳）對我嘅支持同鼓勵，令我愈演愈有信心，讓我喺呢兩年內對演戲領會到另一個層次！

多謝TVB！多謝你俾咗我一個咁好嘅平台，讓廣大嘅觀眾認識到我呢位演員！多謝你俾我認識到我眼中獨一無二嘅東張女神麥雅緻，然後仲成為咗我嘅老婆，俾咗我一個幸福完美嘅家庭！19年後嘅今日，我終於可以好自豪咁講一句：『我張頴康，係劉德華同TVB栽培出嚟嘅演員！』各位戰友，江湖見！

張頴康加入TVB初期，由跑龍套做起，之後演出不少閒角，直到2016年憑《一屋老友記》奪得「飛躍進步男藝員」，角色佔戲越來越重。張頴康的代表作有《回到三國》的范根、《一屋老友記》的三寶、《逆天奇案》系列的Marco等，演技獲得肯定。

TVB[超话]