艺人汤洛雯（靓汤）以嘉宾身份为无綫健康资讯节目《医医，我不想再病了》录影，讲到身体上的小毛病，除了皮肤易敏感之外，她自爆经常失眠，间唔中要靠食安眠药进睡，亦曾试过不同安睡方法，例如睇中医、食补充品等，但都冇效：“拍剧啲时间成日日夜颠倒，好难调节，好佩服啲人系一瞓落床就瞓得着。（男友马国明都系好易瞓着？）佢都系，讲电话讲完两句就瞓着，都知佢最近拍剧好攰，啲时间无限Over，佢知我会食药，都唔锺意。”笑问是否挂住男友所以睡不着？她笑指小朋友拍拖时才会。
另外，靓汤自爆上月拍新剧《OPM》发生工伤，拍落楼梯戏份时不慎碌落几级楼梯拗柴，脚腕又肿又瘀，这几天一落雨就隐隐作痛，担忧成风湿：“条楼梯可能有油，而我又着住高踭鞋，碌落去嗰阵吓亲所有工作人员，即刻叫佢哋唔好掂我，等我自己冷静完慢慢起番身。”后期她发现连脚甲都变黑，手起刀落为自己开刀放瘀血：“太忙冇时间睇医生，自己又忍得痛，就消毒把𠝹刀，然后喺指甲隔篱𠝹一刀放瘀血，再消毒伤口，放完真系好番好多！但呢个小朋友真系唔好学，马国明都话我好大胆。”
