前两日

大家有冇准备啲“仪式感”嘅

跨年总结

回顾一下自己嘅2023年咧

我哋Color嘅回顾大家又有冇关注啊

婚后好低调嘅苟芸慧

都剪咗一条vlog

show出自己精彩嘅2023年

原来旧年佢去咗好多地方旅行

仲学咗好多技能

更get晒专业证书添

同嗰啲参加《乘风破浪》

翻挞再次出圈嘅姐姐相比

虽然佢冇在幕前翻红

但精彩度过自己嘅每一日

佢喺近几年

有唔少婚变嘅传闻

但苟芸慧一于懒理

just做好自己

何尝唔係另一种美丽人生

▓▓▓▓▓▓▓▓▓▓▓░░░░努力加载中……

同苟芸慧一样

生活比较低调

又冇乜参加综艺嘅

仲有我哋个friend关心妍姐姐

对关家姐嚟讲

2023年过得非常充实

佢喺香港举行演唱会

穿靓衫、唱好歌

同歌迷同乐

稍微不完美嘅“遗憾”

就係冇嚟内地同更多歌迷互动

所以佢决定1月12日

嚟到广州举行自己嘅演唱会

今次嘅演唱会命名为“约”

就係履行自己同歌迷嘅“约定”

关家姐仲有提到

因为婆婆年纪好大

唔方便嚟现场睇佢做show

所以自己经常会俾影片佢睇

或者直接喺佢面前唱歌俾佢听

呢个都係佢同婆婆嘅“约定”

可以睇得出

关家姐无论係对歌迷OR家人

都係好sweet嘅一个人

谂好多办法咁

履行自己嘅“约定”

好耐冇正正式式咁

同大湾区其他地方嘅

歌迷朋友见过面

“关家姐”喺演唱会落足心机

早前喺一啲演出舞台上

囡囡“心心”都有登台表演

俾咗好多惊喜大家

至于今次喺广州

有冇机会见到佢咧

关家姐就话留个悬念俾大家

希望大家到时去现场

亲身睇下有冇惊喜哦

广州嘅舞台设计

同香港有唔同嘅地方

为咗将香港演唱会现场

更好咁呈献俾大家

关家姐会更用心准备一切

新年伊始

我哋一起去中山纪念堂

enjoy同关家姐嘅

sweet之约啦~

来源：可乐生活Color微信公众号

编辑：张子殷

审核：曾敏妍

签发：骆苹