黃心穎同RubberBand鼓手泥鯭(黎萬宏)上周五(27日)低調成婚,選址元朗戶外場地兼且搵旅遊巴接送賓客,加上一對新人嘅親友都甚為口密,直到心穎喺ig post相先見到婚禮畫面。
心穎好靚!
不過要睇現場情況,可以將時間交俾心穎嘅二家姐黃心妙丫,唔該晒。
黃心穎(中)同二家姐心妙(左)及媽咪合照
向來唔吝啬大晒索爆身材嘅心妙,喺佢IG post出心穎婚禮當日大量照片,見到婚禮現場佈置充滿簡約美,仲有一對新人簽字、心穎同爸爸頭貼頭嘅溫韾場面,相信都係得到心穎同意先post嘅。
婚禮上心穎同爸爸頭貼頭,場面溫韾
身為媽媽嘅心妙仲喺婚禮期間幫個仔慶祝生日切埋蛋糕,仲話「以後大寶貝的生日就係細姨姨結婚紀念日啦」,一場二用確係阿媽先識嘅妙招,小朋友應該好難忘。
身為媽媽嘅心妙喺婚禮期間幫個仔慶祝生日切埋蛋糕,仲話「以後大寶貝的生日就係細姨姨結婚紀念日啦」