【On.cc】陳山聰馬來西亞食太多急減磅 喪跑消脂搞到中暑
「視帝」陳山聰、梁競徽（唯唯）與林盛斌（Bob）投資的馬來西亞賀歲片《媽媽又要嫁》拍攝18日煞科，日前舉行煞科宴，大家感到依依不捨。貪靚的山聰戲中不修邊幅，滿面鬚根兼污糟邋遢，原來是他的主意，因過去太多靚仔和有型角色，希望能帶給觀眾新鮮感。對於網民誤以為他是地盤工人，山聰一點也不介意，反而覺得開心，證明造型想當成功。
在美食當前的吉隆坡拍攝，山聰明顯增磅不少，故要努力跑步Keep Fit，但卻一度中暑，感覺頭暈眼花，慶幸休息後未有影響晚上拍攝的重頭感情戲，反而身體有點不適，感情戲發揮得更好，認真意想不到。
首次擔任编劇的唯唯，今次更賣樓投資電影，完全豁出去，電影煞科他亦百感交集：「雖然我哋唔係大製作，但我哋用真心去認真製作，呢套戲絕不胡鬧，無論劇情和感情都係絕對認真，希望觀眾可以感受到我哋的誠意。」伍詠薇笑指最大挑戰不是演繹媽媽，而是飾演山聰、Bob兩人的阿媽：「唔係未演過媽媽的角色，但今次兩個仔年纪居然同我差不多大，真係好搞笑，拍攝時畀佢哋的造型搞到我爆笑不停，背好劇本都冇用，一見到佢哋，就忍唔到笑。」
山聰食多咗，要跑步減肥。
終於煞科。
唯唯首次擔任編劇。
為自己鼓掌。
Bob都好感動。
完成任務。
畫得好靚。
大合照～
馬來西亞咁熱，睇Bob就知。
