鍾柔美今日（17/10）現身機場出席無綫（TVB）劇集《飛常日誌II》開鏡儀式。鍾柔美接受《香港01》訪問時透露，在酷熱天氣下在機場停機坪進行拍攝，差點中暑暈倒：「記得嗰日導演同我講天氣熱小心中暑，嗰日係早上9點幾喺停機坪度拍，當日天氣仲好熱，同埋個太陽同平時好唔同，啲陽光由地面再反射感覺特別曬，當時仲要我不停咁來回咁跑，開始係有啲唔舒服。」
鍾柔美續說：「其實我喺嗰個位置停留咗2個半鐘，期間唔舒服我一直係頂住，唔敢同人講，之後有工作人員發現我神情呆滯，先知我唔舒服，就即刻叫我休息，同埋即刻畀咗啲冰水我飲，休息咗一陣就冇事。」
