【On.cc】聲秀︱穎喬失聲依然高水準 蕭凱恩103度高燒頂硬上
無綫綜藝節目《聲秀》準決賽第一回合，成功躋身準決賽舞台的9位學員，在第一個回合面對的挑戰主題為「突破」，每位學員必須跳出 Comfort Zone、選擇平時較少呈現的風格或演繹方式演出。
第一回合中，病到失晒聲，但依然狀態大勇、兼且唱出與平時截然不同曲風的胡鴻鈞（Hubert）組成員、混血兒穎喬（Ziva），今回合轉玩深情Tone獻唱《驗傷》，卻出乎意料地爆出了驚人的感染力，獲評審陳潔靈連說兩次「我好鍾意你」：「一聽你把聲，我就聽到你把聲係病咗，通常歌手遇到呢啲問題，我係會更加欣賞佢，呢個反而會 Enhance 咗你唱歌嘅經歷。」
穎喬病到失聲，仍保持高水準演出。
導師胡鴻鈞力撐。
陳潔靈表明「鍾意」。
同樣備受病患困擾的學員、還有向來表現穩定的蕭凱恩（Michelle），她在台上透露在正式演出前一日發燒至103度，但難得導師譚耀文依然對她充滿信任及信心：「我唔擔心，佢鬥志好強。」Michelle 選擇的突破是以 Jazz Tone 唱出充滿法國風情的《粉紅色的一生》，期間更獲譚耀文落場伴舞打氣，畫面充滿愛。
蕭凱恩比賽前一晚發燒至103度。
譚耀文親自落場打氣。
