《罗密欧与祝英台》就大结局啦
唔知你哋有冇俾ending感动到咧
又对里面边个角色印象最深刻咧
近日，剧中饰演罗家大少
“罗密林”嘅吴子冲
因为呢部剧突然人气急升
大家仲记得喺剧嘅开头
“罗密林”就係罗家嘅“顶梁柱”
常言道“长兄为父”
所以佢好照顾密峰、密田、密欧
呢几个细佬
亦都好有大佬嘅威严
后来因为罗家发生重大变故
佢就因为被陷害而染上毒瘾
要依赖药物嚟过日子
原本高大靓仔嘅佢
一夜之间就变成颓废无能瘾君子
反差感极强嘅演技被人赞爆
而佢嘅形象亦从
霸气的all back油头
瞬间变成凌乱须根浮肿眼袋
两个造型都好啱个人物设定
话说呢
吴子冲由模特出身
入行5年左右
今次嘅演出惊艳咗大家
吴子冲喺之前好几部
热播嘅电视剧中
都饰演过颇为重要嘅配角
靓仔形象非常有辨识度
好似喺《傲娇与章经》中
佢一开始就係诊所的助理
为人冷酷不苟言笑
后来变咗“渣男”
欺骗“朱萤娇 ”感情
人前暖心、人后奸诈嘅
两种感觉都诠释得好好
更因为油腻嘅眼影look
被调侃为“眼影怪”添
剧中有佢两肋插刀
为朋友冲锋陷阵嘅打斗场面
都好有型、荷尔蒙爆灯噶
而佢因为受重伤
要被埋喺泥土之中养伤嘅剧情
虚弱、无助嘅模样
又有少少呆萌可爱
佢嘅形象都真係可塑性几高
喺拍《灵戏逼人》嘅时候
吴子冲就饰演男主角嘅好兄弟
经常出面帮拖、孭镬
剧中嘅佢有特殊体质
可以见到啲大家“睇唔到”嘅嘢
造就咗胆小又好奇心强嘅性格
因为人设老实
所以连造型都低调朴素咗好多
虽然性格憨直单纯
但确实係个暖男
//////////
吴子冲模特身材
眼神又比较魅惑
所以佢只要一认真打扮
就即刻霸气侧漏
但又容易油腻
如果打扮朴素啲
饰演暖暖嘅角色
又几冧得人哦
喺最新嘅《奖门人》中
大家最中意嘅啜紫菜环节
周嘉洛成为“万人迷”
被红、绿两个“女魔头”夹攻
惊恐嘅表情十分爆笑
而同队嘅吴子冲
都被麦美恩飞扑狼吻
吓到几乎跪地求放过
可见佢嘅受欢迎程度
一啲都唔输嘉洛啦
唔知大家比较中意
边一款嘅吴子冲咧
来源：可乐生活Color微信公众号
编辑：张子殷
审核：曾敏妍
签发：骆苹
