今年TVB台庆夜红地毡

边啲look最有讨论度？

“中门大开”嘅冯盈盈

绝对排得上位

冯盈盈唔惊撞衫

着蔡洁上年着过嘅同款礼服

拍甫士时转身展示美背

二人照片被网友攞来做比较

同冯盈盈一齐行红地毡嘅

师妹庄子璇着deepV

更係有样学样露靓背

///////

近日

冯盈盈又喺造型上有突破

佢同另一位“港姐”陈晓华

换上性感古装

为热门IP游戏拍宣传片

两位不愧为港姐冠军

着上古装后颜值又升呢

冯盈盈被赞仙气飘飘

网友仲提议佢去拍古装剧

不过冯盈盈

原来已经有成大半年

冇去拍剧又冇上综艺

佢之前参演嘅两部片

《你不是她》嘅“夏莉”

《逆天奇案2》嘅“厄娜”

都係有悬疑元素嘅角色

当被问到

是否觉得“被冷落”时

冯盈盈就表示“唔觉”

作为艺人

自己最近仲有唔少job

//////

冯盈盈近排专注教育界

仲去到学校开分享会

一边计划出书一边谂读博士

成个人好正能量

早前，佢同师妹庄子璇

一齐返香港大学接受全英采访

大谈以往嘅校园趣事

冯盈盈自爆拣专业原因

係弟弟曾患病要调节饮食

所以自己就入读营养学

佢同庄子璇同为港姐冠军

而且都係香港大学

食品与营养系毕业

可谓“同宗同门”师姐师妹

采访播出后

就有不少网友批评冯盈盈

口音同肢体语言太做作

不及师妹嘅声调自然

亦有网友表示

冯盈盈嘅表达更胜一筹

庄子璇嘅语法和用词差啲

两位背景相似嘅港姐

难免被攞来做比较

更有网友攞出

“港姐”朱千雪和陈凯琳

曾经嘅英文采访来同佢哋比

对此冯盈盈就表示

同学话自己嘅语气

同10年前一样

唔觉自己做作

呢个係佢讲野嘅style

虽然两人被比来比去

但佢哋私底下都几friend

毕业时两人晒出同框毕业相

最近仲一齐去睇汪阿姐演唱会

Anyway

作为公认嘅靓女

又係背景相似嘅师姊师妹

唔知两位有冇机会合作拍剧呢？

资料来源：微博、小红书、剧照

网络信息综合整理

编辑：黄译萱

一审：曾敏妍

二审：董华海

三审：骆   苹