中医剧《你好，我的大夫》
进入结局篇
唔少人物嘅命运都反转
剧情越来越耐人寻味
喺前两集中
一直被大家喜爱嘅
Ed师兄“彭晴望”
最终不敌病魔离开人世
令人深感遗憾
佢嘅扮演者孔德贤
都专登发文同“自己”道别
Ed师兄由出场开始好抢镜
生得靓仔本来就“有罪”噶啦
做嘢踩界唔单止
对后辈违规只眼开只眼闭
口花花将honey挂喺嘴边
开头个人设都几play boy嘎
但后来见到佢
为病人健康全心全意
捍卫正义向前冲
honey原来係妈咪
……
种种嘅“原来如此”之后
大家就不由自主咁就觉得
呢个中医师真係好掂
剧情安排Ed师兄
利用中医帮瘾君子戒赌
喺“瘾君子”入面
就有由区明妙饰演嘅麦宝
两人因病生情
喺埋一起sweet去date嘅情节
睇到大家正在“姨母笑”时
突然就传嚟Ed师兄的噩耗
真係会令人个心好痛
Ed师兄总是面带笑容
平时又好识体贴人
在戏里真係好受欢迎
而喺现实中嘅孔德贤
因为生得似“大只谦”
被人叫做“翻版罗子溢”
（罗子溢原名罗仲谦）
孔德贤在2017年大学毕业之后
就开始喺TVB做啲主持嘅工作
喺《后生仔倾吓偈》
《香港原味道》等等节目中
都可以见都佢嘅身影
后来有机会参演电视剧
例如《香港爱情故事》
《法证先锋V》等
不过角色多数好奀
奀到令人几乎冇印象
其实与佢同期出道嘅“仔仔”
就有周嘉洛、丁子朗等
人哋已经担正做男主
参加各种综艺节目
相比起来
德贤嘅资源就有啲弱鸡
虽然佢都入围咗
TVB嘅“飞跃进步男演员”提名
但得嗰“10强”就冇咩水花了
佢嘅真正“弹起之作”
係前段时间火热嘅《发言人》
孔德贤饰演嘅係
剧中一单案件嘅罪犯
因为“衰十一”被告而求助马国明
<衰十一，是指"与未成年少女发生性行为"的简单俗语。
因为该罪名由十一个字组成，所以人们称为衰十一。>
虽然演技较为生硬
但胜在够真情实感
所以开始被大家关注
之后佢嘅影视邀约就开始变多
有份参演阿佘坐镇嘅《新闻女王》
所演角色戏份仲比较重
最近更升呢上位
在《本尊就位》里面担大旗
估计都係啲高层慢慢注意到
佢之前嘅一啲表现
加上佢甘心从细做起
慢慢积累换翻嚟嘅成绩
～呐～
佢喺之前啲剧中
好多角色嘅定位都係
深情冧女、感情专一
而现实生活中
佢个“底”却花花哋哦
话说当年佢就介入咗
前港姐同其男友之间的感情
三角恋本身就
唔係大家中意嘅话题啦
后来仲有传闻话
孔德贤介入人哋感情之后
令到呢位港姐前男友谂唔开
继而坠楼轻生
当事人自己都低调咗一排
大概係等件事丢淡啲
虽然件事后面冇再发酵
但始终会成为大家的话柄
想喺演艺圈有发围唔容易
奉劝各位艺人朋友
都要好好注意自己形象啦~
来源：可乐生活Color微信公众号
编辑：张子殷
审核：曾敏妍
签发：骆苹
