贺岁电视剧《富贵千团》
已经大结局啦
虽然喺春节黄金周放送
但整体收视率就似乎麻麻
亦冇引发太大嘅话题
话说呢部电视剧
就係讲一班因股票骗案
而债务缠身嘅人
为咗攞翻属于自己嘅财富
而组团玩转财技嘅故事
原本佢哋将财技玩到出神入化
已经攞翻自己应得部分
但因为玩到过火
开始有人迷失自己
……
剧中人均“老千”
讲大话唔使打草稿
三几下手势就氹到人落沓
斋睇剧情就觉得几新颖
而且总集数唔多
每集嘅节奏亦比较快
其实都几吸引人噶
估计係春节期间
大家忙住探亲访友
少咗留喺屋企睇电视
先导致佢嘅热度唔高嘅
//////////
呢部剧除咗“硬件”过关之外
里面嘅角色都几有睇头
特别係各位女主
本身就已经係“话题女王”
“靓汤”汤洛雯
由婚前到婚后
都係大家关注嘅女星
《富贵千团》就係佢婚前
就已经完成嘅作品
同时亦係佢目前最后一部
电视剧嘅存货啦
靓汤喺剧中
饰演一个年轻师奶
一开始造型潦草
基本都係高马尾+朴素T
后尾崛起之时
deep V大show“事业线”
嗰look真係几热火诱人
观众担心靓汤婚后
会减产或者直接停产
更有人甚至觉得
佢要专心养身体生BB
可能唔再出镜
靓汤就叫大家放心
BB依家确实未有
如果仲有适合嘅工作
欢迎随时揾佢
～～～～～
张宝儿喺拍呢部剧嘅时候
就仲未成为“妈咪”嘅
相比起依家爱心爆棚嘅妈咪样
剧中嘅造型都比较有“野心”
佢举手投足之间
会有一种诱惑人嘅魅力
同佢演对手戏嘅男主
都被迷到神魂颠倒
～～～～～～
啱啱升呢“最佳女配角”嘅傅嘉莉
喺剧中靓到
好似“人工智能”咁
因为佢尖面长腿
0赘肉完美身材
靓到网友感慨
自己P都唔敢P成咁完美
傅嘉莉更自曝
出场时嘅超贴身短裙咁索
係佢运动+节食一段时间后
先打造到出嚟嘅效果
凡事认真上心
just为一个镜头就付出咁多
呢个“最佳女配”实至名归啦
//////////
除咗有靓女养眼之外
《富贵千团》最值得大家借鉴嘅
係佢喺剧中传授咗好多
“反诈”“反骗”嘅技巧
依家骗子呃人嘅手法层出不穷
呢部寓教于娱乐嘅电视剧
都啱全家人齐齐翻煲学下嘢
保大家荷包平平安安！
资料来源：剧照、微博、小红书等网络信息综合整理
编辑：郭 玮
一审：曾敏妍
二审：董华海
三审：骆 苹
【微店】羊晚文创线上商店【邮政】中国邮政微邮局
【淘宝】羊晚生活馆【小红书】Color班马
都可以买到《可乐生活》▼▼▼
