前排赵希洛突然宣布离巢
唔少观众都觉得十分可惜
佢饰演啲奸角都演得入木三分
更因此获得“御用颠婆”嘅称号
近日佢性感现身摄影展
冇（签）约在身嘅佢心情舒畅
面部线条都圆润咗喔
赵希洛坦然自己已经
处于半放假状态啦
“一完约就同屋企人飞走咗”
之前因为工作先要keep身材
依家佢就趁住假期
要食多啲美食增肥喔
又食又玩
怪唔得心情都咁靓晒啦
不过佢都唔惊食肥
仲话希望迟下有瘦身公司
约佢拍广告喔
讲到食方面
广州都有唔少出名嘅夜市噶
而且行街、食饭、影相
可以一条龙玩齐晒
跟住Color玩，越夜越精彩！
↓↓↓
主打放空治愈
番禺有条OMG网红街
各种茶饮美食任你拣
潮汕小食、韩式烤肉、
湖南湘菜……
只要你讲得出嘅
喺呢条街你都可以搵到
而且分量都唔会少
性价比几高噶
Color搵到一家奶茶店
主打奶茶与音乐结合
坐在路边望住人来人往
舒服的歌声&高甜的饮料
十分治愈
晚上仲有不定时巡游表演
每次有表演者出现
都会将成条街嘅气氛推到高潮
如果你咁啱撞到佢哋
仲会同你热情say hi噶
主题街超出片
喺OMG网红街嘅“主干道”上
有各式各样嘅主题靓景
可以凹造型、拍大片
行入国潮街
灯笼花灯高挂
桥下有小桥涓涓流水
一秒穿越到古代
转个弯去到港风街
经典港式茶餐厅门口
停咗部上个世纪八十年代嘅
复古红色的士
年代感十足
仲有一条美式风格小街
挂满霓虹灯招牌、
贴满复古海报的车站、
同墨镜、皮褛元素好搭
最适合扮cool
呢度仲有团建必玩嘅轰趴
街机游戏等玩乐项目
影相、玩game一次过足瘾
越夜越火爆
近排hit爆嘅番禺植村夜市
以超多平靓正美食汇聚而出圈
成个夜市睇起身唔算大
顺着入口兜三圈基本就行完
但胜在摊位密密麻麻
数量有上百个噶
傍晚五点左右
美食摊主们陆陆续续进场开档
六点左右嚟到
开餐时间啱啱好
各式各样嘅美食
香味扑面而来
未谂好今日食啲乜？
唔使急慢慢逛
呢度越夜人气越旺噶
路边仲有位
可以坐低食完再走
可以饮下啤酒倾下计
一日的疲倦会被美食赶走
50蚊食到饱
植村夜市美食便靓正
来到吃一整晚注定热量爆炸
但碳水的快乐令人无法拒绝
人均50就可以食到爆肚
肥美鲜嫩嘅生蚝、
臭味上头嘅臭豆腐、
Q弹烟韧嘅烤鱿鱼……
每一样都会瞬间激活你嘅视觉味蕾
呢度嘅美食品种全面
连最近《偷偷藏不住》带热的
网红小食芋泥香酥鸭
你都可以get同款
摊主用厚厚嘅芋泥
包裹满满鸭肉
一啖入口外表酥脆
再搭配鲜嫩鸭肉
口感丰富又解腻
汕尾独有解渴饮品狗毛膏
6蚊一份
清凉解暑够过瘾
植村夜市嘅美食
一次肯定食唔嗮
我哋可以嚟多两次返寻味
来源：可乐生活Color微信公众号
编辑：张子殷
审核：曾敏妍
签发：骆苹
