时隔两年

大家期待已久嘅

《声生不息·港乐季2》

开始各种招募

喺上一季嘉宾阵容中

新生代“可爱教主”曾比特

同埋gigi炎明熹加入

贡献咗多个经典名场面

将啲旧歌金曲

加入创意谂法再唱

唱出唔一样嘅味道

所以今年嘅“港乐季2”

大家都对新生代阵容好期待

网上已经流传各种邀约名单

先係传出有天后级别嘅

邓紫棋、卫兰

跟住又话有后生啲嘅

许靖韵、林家谦

未见到正式嘅官宣

不过大家都超期待咯

而上届含E量过高嘅

Eason陈奕迅（挂住打波）

冇出现喺名单上

节目将于11月初开拍

实力老派歌手

唔少“官号”都发咗

谭咏麟、林忆莲会加盟

有老牌唱将助阵

节目嘅含金量都直线飙升

佢哋一开口即经典

旋律响起已经马上

引起一波回忆杀

有网友就觉得

人同歌都有翻咁上下嘅年纪

好似睇紧“流行经典50年”咁

喺大家对名单众说纷纭时

“英皇一姐”容祖儿

突然出来承认

自己係节目常驻嘉宾喔！

前排先一连举行

十几场演唱会嘅Joey

又马不停蹄参加音乐综艺节目

大家觉得Joey嘅角色

其实係对标上届嘅杨千嬅

两位都係“港乐”代表嘅

天后级别人马

唱现场嘅实力冇得弹

上季千嬅同毛不易嘅

《可惜我是水瓶座》演绎版本

令大家听出耳油

Joey近年都上唔少综艺节目

之前喺隔篱台节目上

贡献过好多金曲名场面

唔知今次加入“港乐季”

会俾节目带嚟咩惊喜

观众可以肯定嘅就係

可以听Joey唱多啲靓歌

/////

内地歌手阵容方面

就传出有

好难得上综艺嘅李宇春

（已经有网友影到出发长沙）

乐队有回春丹

年轻歌手有

黄子弘凡、李昊等等

再多嘅节目消息

就要等到节目录制后先知啦

大家最期待边位歌手嘅现场咧

资料来源：微博、小红书等网络信息综合整理

编辑：饶    禧

一审：曾敏妍

二审：董华海

三审：骆   苹