前几日TVB举行嘅

上半年综艺巡礼

预告多部综艺节目即将播出

预热好耐嘅

《福禄寿训练学院》

已经录制咗海选了喔

王祖蓝、李思捷、阮兆祥

三位继续扮鬼扮马

仲特意请嚟话题多多嘅

新晋港姐郭珮文Juliana

同陈懿德Rachel一起主持

巡礼当日

Rachel头顶一碌大竹出场

而Juliana就戴粉色大孖辫假发

复刻之前桃型胸口大开嘅look

而三位喺《新闻女王》中

表现出色嘅林正峰、

陈祯怡、何沛伽

三位靓仔靓女齐齐去澳门

录咗辑《玩尽澳门无限fun》

呢辑节目将会有好多刺激项目

祯怡表示自己最深刻

係sky jump（高空跳）

要喺88楼澳门塔外攀爬

林正峰就话自己

当时吓到面青口唇白

听落真係几刺激

/////

巡礼最令大家惊喜嘅

见到一年半都冇蒲头嘅

“视后”江美仪喔

新节目《一个好人》

係同林子善一起主持

本月18号就会上线了喔

前年嘅万千星辉颁奖典礼上

江美仪凭借《上车家族》

获得最佳女主角

冇谂到自己唔係TVB“亲生女”

都能够成为“视后”

所以佢当晚激动到爆喊

不过隔篱嘅嘅林敏聪

就一盆冷水泼落嚟

调侃佢“拿奖后冇工开”

引起全场人爆笑

即刻扭转咗现场气氛

点知好嘅唔灵丑嘅灵

“视后”光辉只得一刹那

自从攞奖后

美仪姐差唔多两年冇拍新剧

就连台庆大合照

都係企喺第二排边边位置

好似应咗林敏聪果句“冇工开”

得奖后嘅两年

就变成TVB入面唯一一个

0产量女艺人

被网友封为“历年最惨视后”

Anyway~

虽然今次只是拍综艺

可以见到美仪姐

笑容满面、状态唔错

据闻节目中

佢将会化身“东张女神”

走访香港嘅一班义工

并且会亲自落场

体验义工嘅工作

节目嘅录制过程

好多take都令美仪姐难忘嘅

好似佢最惊老鼠

喺录节目时就要挑战捉老鼠

仲会潜水拣垃圾

自言“都係人生嘅一大新体验啦”

依家仲未知美仪姐

几时有机会入组拍新剧

不过我哋可以先期待一下

佢嘅新节目啦！

来源：可乐生活Color微信公众号

编辑：张子殷

审核：曾敏妍

签发：骆苹