TVB台庆夜星光熠熠

争奇斗艳嘅T台show

大咖云集热度爆棚

“福禄寿”领衔嘅模仿show

获得众多观众喜爱

其中，为新人量身定做嘅

“值得被看见的凡星”环节

令唔少观众印象深刻

亦被称最“水”节目

节目嘅开头就够嗮水

先有新人组band弹唱

点知走音又忘词

错漏百出俾cut

当大家以为

舞台出乌龙时

观众席突然有人嗌停

话要畀多次机会、重来一次

年轻艺人一排排起身

由陈展鹏带住合唱歌曲《凡星》

人手一个麦畀足镜头

网友惊呼“TVB真多麦”

////////

之后

一众“不起眼”嘅艺员

走上台对住镜头自我介绍

等观众将人样同名字对上号

呢群“凡星”之中

有常驻剧集嘅“绿叶”艺人

有选秀出道嘅新人

有坚守节目嘅主持

车婉婉出场送上鼓励

讲起自己入行30年

先有份做主持

依家有机会做台庆司仪

大嗌“好梦幻、好感恩”

//////

当大家满面眼泪时

张振朗、谭俊彦上台

揭开由TVB内投选出嘅

“全台力撑潜质艺人”

有名“靠爸爸”嘅谭俊彦

颁奖畀获奖男艺人廖家爵

佢哋两个都係

继承老窦衣钵入行嘅

廖家爵係

已故艺人廖骏雄嘅仔仔

廖骏雄係TVB嘅“老绿叶”

曾参演多部TVB“金庸剧”

廖家爵2019年

从艺员训练班毕业

入行5年攞到第一个奖

佢自己都好意外

喊到个妆都花埋

获奖嘅女艺人曾文心

就由张振朗公布

二人曾在《反黑英雄》合作

文心在剧中饰演女学生

当时因颜值、年龄等因素

被网友质疑演技

怀疑佢选角“靠关系”

被贴标签“蔡思贝2.0”

颁奖嘅时候

张振朗在台上亲自为搭档解画

爆钟澍佳导演对曾文心嘅评价

坦言曾文心其实係靠自己

解画讲到中途

张振朗自己就先哭咗

当曾文心发表获奖感言时

佢又化身“慈父”望住文心

曾文心入行3年

就有令人印象深刻嘅角色

佢仲去过

北京中央戏剧学院进修

上国家大剧院舞台演舞台剧

得到呢个奖可谓实至名归

睇到呢一幕

曾志伟、乐易玲都眼湿湿

唔少艺人都有共鸣

搞到台上台下齐爆喊

唔知你有冇俾感动到呢？

资料来源：微博、小红书等

网络信息综合整理

编辑：黄译萱

一审：曾敏妍

二审：董华海

三审：骆   苹