前日

曾经嘅广州网红景点

南沙百万葵园度假区

深夜宣布正式闭园

作为南沙标志性嘅4A景区

係同学仔春游之地

亦承包咗老广嘅休闲周末

薰衣草雪糕、葵花鸡嘅味道

早已成为大家嘅共同记忆

随住时间流逝

百万葵园似乎被遗忘

拍婚纱嘅花丛杂草丛生

打卡嘅彩色小屋褪咗色

卖玩具嘅商铺执嗮

连机动游戏都几乎全部停摆

好多网友表示“好可惜”

希望童年回忆可以一直keep住

不少网友提出园区存在

交通不便、门票贵等问题

据说呢次闭园

係为咗升级改造

迎接地铁18号线延伸段开通

以及明年嘅全运会举办

////////

其实，广州有好多

OG级嘅玩乐天地

近期都迎来咗“大变身”

硬件、软件都升级咗

既keep住大家嘅童年回忆去玩嘅体验又jeng咗嘎

拥有20几年历史嘅

广州海洋馆

近期都升级咗啦

海狮、海豹、海豚、白鲸等

老朋友同大家再见面

喺“海港码头”“精灵海湾”

“白鲸之恋”“鲨鱼实验室”

就可以见到佢哋啦

隔住玻璃

同海龟、水母玩贴贴

奇趣触摸池可以

零距离接触海洋生物

可以360度睇海底嘅

赛博海底隧道

无死角睇鱼仔嘅定海神针

畀你拍大片嘅时空隧道

统统唔好错过啦

位于白云区嘅

广州市儿童公园

已经开设咗10年

今年嘅六一儿童节时

更係全新升级、重新开放

园内增加咗唔少新设施

预约就可以免费玩水嘅

龙舟戏水乐园

最受小朋友喜爱

除咗可以玩水

仲可以玩沙呢

呢度嘅嘅沙滩乐园

可以砌城堡又可以攀爬

玩完旁边就有水洗手洗脚

公园内嘅消防乐园

可以让你变身小小消防员

瀡公园最高嘅滑梯

体验速度与激情

五羊号太空主题乐园

係大人细路都中意嘅地方

奶油色嘅飞船好出片

爬得、跑得、跳得

冇人可以拒绝咁好玩嘅探险

另一个“老广”回忆

南湖乐园都官宣咗

将喺2025年元旦回归

呢度从“快乐星球”

升级成“星纪世界”

科幻主题嘅乐园

听讲过山车、跳楼机

都设计成太空风格

让大家体验太空探险

对于好多大朋友来讲

充满回忆情怀

又极具未来感

我哋都长大成人了

呢啲承载住

我哋童年回忆嘅乐园

自然都要一起成长啦

广州仲有边啲宝藏乐园

快啲嚟同我哋分享下啦！

资料来源：公园官方网站、羊城派、白云融媒等网络综合信息整理

编辑：黄译萱

一审：曾敏妍

二审：董华海

三审：骆   苹