电影“劳模”刘德华

最近又有新戏上映

而且新戏流出嘅剧照中

有触目惊心嘅皮肤溃烂图

都吓亲几多fans嘅~

呢部新戏原来係

灾难片《焚城》

影片由刘德华、白宇、

莫文蔚主演

该片讲述嘅係

因为突如其来嘅火灾

引致危险物质泄漏

辐射将会喺短时间内

扩散全城

从预告片中可见

片中嘅视觉效果震撼

火场浓烟滚滚直冲云霄

辐射物质铯137落地后

一瞬间蔓延成个城市

因为辐射受影响嘅市民

皮肤溃烂嘅效果好得人惊

喺咁危险嘅情况下

饰演辐射专家嘅华仔

同高层莫文蔚

因为全城疏散消息嘅处理

吵到拍晒枱

而另一边

白宇饰演嘅消防员

为咗救兄弟带住一班手足

不顾危险咁冲入火场……

呢部辐射灾难片

集齐晒火场、台风、

辐射等等嘅灾难元素

影片时长更係长达136分钟

/////

除咗大手笔制作

最令大家惊喜嘅

係电影“劳模”刘德华

搭档好耐冇拍戏嘅莫文蔚Karen

两人对上一次合作

已经係19年前嘅《童梦奇缘》

果时Karen饰演华仔嘅阿妈

今次就变成针锋相对嘅对手

两人喺戏中火药味十足

唇枪舌剑、你来我往

但就默契十足、过足戏瘾喔

Karen再次回归大屏幕

首次演绎掌掴戏份

酝酿情绪、完全代入角色

后来仲拍到情绪崩溃

官宣海报上细细只字

就标出豪华嘅演员阵容

其中好多都係“好戏之人”

/////

出席影片宣传活动时

Karen就话好希望

可以拍多啲戏啵

咁係唔係暗示

会同老搭档周星驰

再合作拍《少林女足》？

Karen就话

两人依家好少联络

但只要对方叫到

拍咩都得喔~

Anyway～

一日未官宣嘅消息

就唔作准嘅

定档11月1日嘅《焚城》

马上就要上映啦

大家都係先留意呢出新片啦～

资料来源：微博、剧照、豆瓣等

网络信息综合整理

编辑：饶   禧

一审：曾敏妍二审：董华海

三审：骆   苹

【邮政】中国邮政微邮局

【淘宝】羊晚生活馆

都可以订阅《可乐生活》▼▼▼