最近有网友喺叫车平台call车
叫嚟咗一部由Sammy沈震轩
做司机嘅uber
一开始仲以为係佢参加咗
啲的士综艺节目嘅录制
后来再细查
发现原来Sammy真係喺平台上
用自己嘅原名HO MING登记咗
做网约车司机
而且佢已经“入行”2个月时间
接咗过百张单
仲係一个0差评嘅“优秀员工”添
有人一开始见到司机个头像
都觉得係假冒照“骗”
但核对司机信息后
见到佢配套嘅用车
确实係早前佢本人
晒过出嚟嘅新型电车
有网友即刻嗨咗
话要疯狂叫车
争取坐上Sammy座驾
有人已经开始想象
自己係坐副驾位定係后座
连着咩衫去搭车都谂好埋
▓▓▓▓▓▓▓▓▓▓▓░░░░努力加载中……
沈震轩出道多年
有唔少经典嘅电视角色
佢做卧底嘅形象
令人印象深刻
前两年佢参演《超能使者》
喺里面饰演市井又善良嘅“威仔”
收获咗好多好评
后来佢同TVB约满
投身英皇娱乐
谂住有更多机会
可以继续发展音乐事业
喺新公司
佢多咗好多拍电影嘅工作
亦做一啲busking
人气确实提升咗唔少
旧年佢仲有机会上
《披荆斩棘》做“哥哥”
被更多人睇到佢
演戏之外嘅其他嘅技能
前一段时间
Sammy同女朋友各种晒恩爱
似乎暗示紧自己好事近
大家都准备定“祝福语”了
but佢哋迟迟未有下文
被“逼”问时都係只係话
“有好事会通知大家～”
//////////
有好多人关心Sammy
“转行”做司机嘅事
寻日佢特别拍片回应
佢话自己好中意揸车
觉得开车时同人倾计
係好减压嘅事
既可以学到新嘢
又可以增加自己嘅社会经验
大家都知道佢
早前投资咗7位数开健身房
目前做到收支平衡
但仲未回本
喺暂时未有演艺工作嘅情况下
佢发现做网约车司机
既可以开车接客人
一起倾计打发时间
又可以帮补到“隧道费”
网友了解后
都觉得佢思想好积极
冇乜大明星架子
更期待call到佢部车
可以同佢倾下计
//////////
其实有好多娱乐圈中人
喺未有演艺工作的时候
都会发展下副业
帮补一下生活嘅
可乐君之前都有提过
“翻版陈奕迅”吴浩康
为生计去地盘捱饭盒做工人
戴耀明喺朋友茶餐厅打工
工作包括洗厕所、倒垃圾
被网友撞见上咗新闻
仲有人离巢TVB之后
完全冇job
就去咗揸公共巴士
其实呢
无论风光做明星
定係贴地揸的士
都係靠劳动赚钱
能过好自己嘅人生
实现咗自己嘅价值
明星喺风光背后
贴地打工呢件事
唔知大家点睇咧
资料来源：微博、小红书、剧照等网络信息综合整理
编辑：郭 玮
一审：曾敏妍
二审：董华海
三审：骆 苹
【微店】羊晚文创线上商店
【邮政】中国邮政微邮局
【淘宝】羊晚生活馆
【小红书】Color班马
都可以买到《可乐生活》
▼▼▼
