近期
好少现身嘅郑嘉颖
身陷“家族”风波
又係破产又係不和咁
旧年年底
郑嘉颖嘅“富二代”表弟
王贤志申请破产
同为前TVB艺员
王贤志曾参演过《使徒行者》
《逆天奇案》等剧集
虽然有郑嘉颖做表哥
向海岚做表姨
王贤志嘅星路并唔顺
近年转换赛道做幕后多
对于家族危机
郑嘉颖早前回应话
“自己係家族中嘅小人物
轮唔到佢帮手”
希望佢可以尽早解决问题
近日
被媒体再次问起“破产事件”
郑嘉颖透露新年嘅家族聚会
王贤志“消失”冇出席
又呼吁大家畀啲空间佢
去解决问题
//////
除此之外
郑嘉颖同另一“家族”嘅关系
都备受关注
因为佢再度缺席
今年“铁马家族”嘅团拜
“铁马家族”早前
喺马国明屋企聚会
但合照中不见郑嘉颖一家
网友纷纷猜测
两位“视帝”未破冰
据唐诗咏话
呢次郑嘉颖缺席
係因为“家中有突发事”
所以要照顾屋企人
虽然冇同“铁马”聚会
但留港嘅郑嘉颖都几忙
初一举家去陈淑芬屋企拜年
初五同黄智贤“着情侣装”出游
好在班friend都帮佢解释
同为“凑仔公”嘅林子善好理解
唐诗咏就话有通电话拜年
只不过佢讲嘢太直
容易引人误会
马国明就直指郑嘉颖好难约
提议下次（聚会）去佢屋企搞
仲开玩笑话自己“好平”
要借用品牌商“钞能力”
搞个“铁马”合体一定齐人
虽然风波不断
但似乎冇影响郑嘉颖好心情
同老婆陈凯琳一齐出席活动
二人戴千万首饰闪爆登场
合照更係靓爆镜
喺活动现场疯狂放闪
讲起当年拣钻戒往事
因陈凯琳拣最细粒钻戒
所以下定决心娶佢返屋企
不过到了正式婚礼
佢都有送翻大粒钻嘅戒指
对于不和传闻
陈凯琳就帮手解释
话郑嘉颖係要照顾家人
而推迟聚会
唔想日日戴住面具笑骑骑
郑嘉颖就回应话
朋友唔使咁复杂
冇见面係时间夹唔到
作为一个顾家嘅爸爸
大时大节当然要陪住小朋友
过两日就係情人节
啱好係郑嘉颖大仔生日
一家人准备去主题乐园庆祝
两公婆都会预先过二人世界
为小朋友嘅活动让步
郑嘉颖仲直言
唔想畀人免费用，惊冇人揾
希望老婆畀条揾食生路
早前唐诗咏面包铺开业
佢都係派老婆去帮衬
原来郑嘉颖难请
唔止係对“铁马家族”
连老婆陈凯琳嘅出镜邀请
都会遭到佢拒绝噶
Anyway
人越大就越多嘢忙
“铁马家族”约聚会时间难夹
简直同我哋老友约会一样
大家互相理解就好了~
资料来源：微博、小红书、羊城晚报等网络信息综合整理
编辑：黄译萱
一审：曾敏妍
二审：董华海
三审：骆 苹
【微店】羊晚文创线上商店
【邮政】中国邮政微邮局
【淘宝】羊晚生活馆
【小红书】Color班马
都可以买到《可乐生活》
