早前有圈中人公开讲
《爱回家之开心速递》中
有人块面好胶
虽然冇讲大名
但矛头就指向“素素”古佩玲
网友翻出佢胶面嘅种种罪证
例如面部表情僵硬、歪鼻尖
苹果肌僵硬等等
仲有网友攞翻佢2019年
参选港姐时嘅图片出嚟对比
话佢面中位置“胶化”最严重
当年参加香港小姐嘅时候
古佩玲就走甜美挂嘅
加上眼睛有混血味道
都几多人关注佢噶
出道之后参演过好多剧集
其中最出圈嘅
就係《爱回家之开心速递》
里面“神婆”素素啦
因为係剧中帮人占卜算命
又经常神神化化咁
有部分网友就中意调侃佢叫
古怪玲啦
▓▓▓▓▓▓▓▓▓▓▓░░░░努力加载中……
上周末嘅“万千星辉颁奖礼”中
古佩玲获颁“最具潜力新人”
上台领奖、发表感言嘅时候
被网友截图话面颊有异样
从图中睇到佢苹果肌僵硬
鼻尖亦呈现不正常歪斜
但亦有可能係截图角度问题
睇翻动态视频又唔多啵
喺以前啲活动里
古佩玲都成日被人怼面影相
面颊好明显有唔自然嘅坑坑洼洼
而且一直被吐槽
笑容都比较僵硬嘅
最近有《爱回家》嘅宣传活动
八八卦挂嘅港媒肯定又抓住佢
要问个所以然嚟
古佩玲就好肯定回应
话自己冇整过
自己係靠化妆&修图
提升整体气质嘅
而平时就做人圆滑、
好识氹人嘅周嘉洛
喺媒体追问佢觉唔觉得
古佩玲“好胶”时
就好大方咁话
觉得对方好自然
仲同大家讲
每个人拍戏状态
都有好OR唔好嘅时候
大家应该更多关注艺人嘅作品
喺《爱回家》中
陈浚霆同古佩玲有大量对手戏嘅
对“胶面”一说采访到佢嘅时候
事情就变得有趣了
佢话如果“素素”有整容
自己都希望约埋一起去哦
仲话要佢介绍好嘅医院（医生）
后面更补充讲到
医美、整形、微调呢啲嘢
依家已经好普遍啦
如果自己到咗适当嘅年纪
都会考虑微调一下哦
讲到咁
好似就默认自己知道
古佩玲喺自己面上喐过手脚咁
//////////
有网友就话
其实古佩玲以前就已经係
甜美型嘅靓女啦
大可不必整到自己变“胶面”
反而冇咁靓添
亦有网友仲话
有时间整啲表面功夫
不如增进下啲演技
戏好咗大家会更中意啊
其实
整形、医美等等行为
都係个人选择
每个人都有追求靓嘅权利
对艺人来讲
最重要仲係睇演技同作品啦
来源：可乐生活Color微信公众号
编辑：张子殷
审核：曾敏妍
签发：骆苹
