好耐冇出嚟同大家互动嘅
三胎靓妈张柏芝
前两日现身上海
出席一个时尚活动
趁show开前有啲时间
佢穿上一身轻薄材质靓衫
打卡有艺术氛围感嘅建筑
旋转楼梯+水晶灯饰
仲有柏芝古典美嘅造型
成片效果好惊艳
▓▓▓▓▓▓▓▓▓▓▓░░░░努力加载中……
到咗正式开始工作嘅时候
柏芝换上第二套时装
西装外套显得佢知性干练
做完好几个采访
坐定定睇fashion show
佢全程元气满满
休息期间
佢发现休息室嘅台灯
造型靓、亮度啱、操作有意思
即刻少女心大爆发
好似小朋友咁玩咗起身
不时仲同同事开玩笑
最搞笑嘅係
得知呢啲灯只要几十蚊
即刻攞手机出嚟落单
将呢份快乐据为己有
喺活动结束嘅时候
佢发现咗一个球衣展
醒起係自己二仔Quintus嘅最爱
即刻拨通视频俾Quintus
柏芝喺视频度
用英文同仔仔沟通
展示自己见到嘅球衣波鞋
鬼鬼马马咁俾仔仔送小惊喜
睇得出平时柏芝同仔仔
係用好朋友嘅方式相处
柏芝再忙
都记得屋企人中意啲咩
//////////
柏芝对自己好
又时刻记挂住屋企人
对粉丝都係有求必应
喺睇展嘅路上
佢就应热情嘅粉丝所求
大大方方同佢哋合影
粉丝递俾佢嘅礼物
佢都好nice咁收起晒
三几下手势就满载而归
遵循礼尚往来嘅原则
柏芝仲开始翻自己嘅随身包
攞出个首饰盒“回礼”俾粉丝
开始呢位lucky fans
都未反应过来
柏芝即刻话
自己带咗两条颈链
所以送一条俾对方
粉丝突然收到回礼
霎时间唔知讲咩好
缓咗一阵先意识到
自己要讲thank you
送咗礼物出去嘅柏芝
心情似乎特别靓
笑得劲开心咁继续开工了
大家都知道
柏芝好中意同粉丝互动嘅
佢之前就透露过
想偶遇佢嘅话
喺菜市场嘅机率最大
咁贴地又有爱嘅大姐姐
你中唔中意啊？
资料来源：微博、小红书等
网络信息综合整理
编辑：郭 玮
一审：曾敏妍
二审：董华海
三审：骆 苹
【微店】羊晚文创线上商店
【邮政】中国邮政微邮局
【淘宝】羊晚生活馆
【小红书】Color班马
都可以买到《可乐生活》
▼▼▼
