徐子淇激罕出山影雜誌封面相隔5年「復出」與保育有關？

40歲徐子淇自2006年與香港四大地產商恆基兆業創辦人李兆基兒子李家誠結婚，並育有兩女兩子後，淡出幕前以專心照顧家庭，亦變得低調，甚少出席公開活動及更新社交平台。不過，近日徐子淇突然出山為時裝雜誌《Vogue》11月月刊拍攝封面故事，亦係繼2018年再次登上雜誌封面。

今次由韓國名攝影師Park Jong Ha替徐子淇拍攝封面，從相片所見，背景以城市及天空為主，拍攝風格極韓風。徐子淇以金髮造型搭配自然裸妝登場，雖然已5年無參與拍攝，但模特兒出身嘅佢舉手投足都散發一份從容自信。徐子淇於訪問中除咗大談近況及今次拍攝感受，亦暢談近年積極參與江夏圍大宅保育工作嘅點滴。徐子淇回憶自己首次到訪大宅時，對呢座有九十年歷史嘅大宅感到驚嘆，認為既有歷史價值，唔同角落又充滿藝術特色。徐子淇又透露江夏圍大宅保育團隊現正處於文物清潔及修復階段，希望日後可將有歷史價值、珍貴嘅物件和印記日重現大家眼前。