近日，女星周雨彤

上咗一趟真人show

口碑就发生大反转

风评转变速度令人惊叹

上个月热播嘅

都市剧《半熟男女》中

男女角色出轨又劈腿

大尺度咁描写

都市男女嘅感情经历

睇到观众直呼“好顶瘾”

周雨彤饰演嘅韩苏

作为积极向上嘅“御姐”角色

撇甩一心求富贵嘅前任

靠自己本事走上人生巅峰

得到咗大批观众喜爱

在剧中

佢同高海宁饰演嘅女上司

有段上下级嘅“神仙友谊”

而且呢段友情仲延续到剧外

两个女演员都好friend

两人嘅通勤穿搭

亦受到网友嘅追捧

特别係周雨彤嘅职场装配搭

随性又简约

服饰相当容易入手

宽松衬衫打造慵懒感

搭配修身半裙或牛仔裤

着返对高踭鞋

成个look专业又有质感

被网友评为

去班味穿搭“教科书”

//////

周雨彤参加嘅真人show

《花儿与少年》第6季亦开播啦

但周雨彤嘅风评就高开低走

从啱出发时嘅“天选旅行搭子”

逐渐变成咗“万人嫌”

大家唔知道仲记唔记得

可乐君都有推介过呢个节目嘎

节目啱开播时

陈好指导两位“00后”做事

被网友吐槽“有压迫感”

当时嘅周雨彤

帮弟弟妹妹讲嘢

之后又积极照顾大家

被观众赞佢係

“天选旅行搭子”

但冇谂到

节目播出几集之后

网友对佢嘅风评急转直下

//////

节目组去到法国站

就由宋茜做导游

因为唔够钱只好动用“人脉”

叫朋友请大家食饭

周雨彤见势就想叫老板帮手

带啲物资或者提供包车

原本係请人帮忙

但佢就用命令人嘅语气

令网友听到都觉得唔舒服

最终老板仲係送来了半袋物资

//////

侯明昊生日当晚

宋茜嘅朋友点咗20几个菜

畀旅行团齐齐“庆生”

“寿星仔”去咗做采访

周雨彤就提议

剩底嘅人先食啲嘢垫垫肚

点知4个人就揭开廿几碟餸

食完就咁摊喺度、冇冚翻盖

网友觉得呢个行为“不厚道”

吐槽对象首当其冲嘅就係

提出呢个建议嘅周雨彤

/////

喺节目入面

周雨彤同金晨成日玩埋一齐

网友就发现有好几个时刻

金晨都被周雨彤伤害咗

金晨因为田嘉瑞忽视佢而伤心

当田嘉瑞担心金晨情绪时

周雨彤就自认为金晨冇嬲

仲转头对情绪低落嘅金晨讲

“就这点事，不至于”

田嘉瑞随后买礼物畀金晨

算係赔礼道歉

点知周雨彤就好顺手咁

拆开咗属于金晨嘅礼物

金晨原地“愣住”了

观众都觉得周雨彤冇礼貌

不过，金晨就喺社交平台

晒出两人揽实嘅相

力证两人係好朋友

//////

对“花少6”节目中嘅周雨彤

网友主要吐槽佢

太过以自我为中心

做事冇边界感

钟意使人哋去帮手

做佢自己嘅事

周雨彤在节目中嘅行为

被称为“花学新课件”

Anyway~

演员一上真人show节目

好多日常细节都会受关注

演员参加节目之前

真系要谂下自己是否经得住

网友“放大镜”般嘅考验啦~

资料来源：微博、剧照、小红书等网络信息综合整理

编辑：黄译萱

一审：曾敏妍

二审：董华海

三审：骆   苹