跟住Color瓹窿瓹嚹嘅

粉丝BB都知道

我哋中意揾啲新奇趣怪嘢嚟食

好似馒头、花卷呢种

咁normal嘅传统食物

一般都好难吸引到我哋注意嘅

除非……

最近就有人爆料

话见到我哋个friend金刚

喺打卡胜地永庆坊

开咗一间卖馒头嘅小食店

话说呢款“馒头”

包胚就好似馒头咁肥肥白白

中间馅料丰富

有红糖、花生酱、葱花蛋等

喺传统&新派嘅新中式点心

唔通金刚唔做演员

跨界开铺卖馒头？

原来呢间小食店係佢朋友开嘅

金刚趁佢开业做咗次“一日店长”

帮手撑场兼打call

同金刚一起撑场嘅

仲有我哋另一个friend

“女版袁伟豪”靓女Frankie

唔知有几多朋友去探店

幸运撞到过佢哋咧

虽然just客串一日店长

但金刚睇落尽心尽力

亲手制作馒头、递送俾客人

遇到佢嘅人都话佢好nice

//////////

前段时间

金刚都有嚟帮Color庆生

虽然佢睇起身有啲恶咁

但私底下真係好好人噶

从《奖门人》做主持

到《巾帼枭雄之义海豪情》

《荃加福禄寿探案》等电视剧演员

再到依家嘅影视艺人

金刚just差“一首歌”

就可以成为“三栖艺人”啦

面对依家新媒体嘅浪潮

佢话自己呢一代嘅艺人好“蚀底”

因为现在渠道多咗

新人出圈就更容易

唔似佢哋以前咁要捱生捱死

无论外界有几多声音

金刚都坚持自己嘅初心

认真干对待每一件事

做好自己应该做嘅本分工作

金刚记得当时自己

啱啱入行做主持

面对好多镜头嘅时候

都会紧张、会不知所措

但“奖门人”曾志伟就教识佢好多嘢

教佢大胆讲、自信show

所以佢对住前辈

一直怀有感恩之心

唔咸唔淡嘅广东话

冇包袱、劲搞笑嘅人设

係金刚最出圈嘅形象

成日keep住“唔准”嘅粤语

有时佢都会觉得几攰

但能够为大家带来欢乐

佢就愿意继续发射欢乐正能量

已经21岁嘅Color都一样

只要大家keep住 follow

我哋就会继续努力

发掘更多好玩得意嘢俾大家

资料来源：微博、小红书、《可乐生活》等网络综合信息整理

编辑：郭玮一审：曾敏妍二审：董华海三审：骆   苹