“坤哥”吴业坤自从静鸡鸡结婚之后
大家都好八卦关心佢嘅婚后生活
特别好奇佢几时会生“小坤哥”
喺最近一场活动上
又同自己嘅“前女友”同框哦
大大方方企埋一齐
冇错~就係同佢传过
“母子恋”绯闻嘅薛家燕啦
坤哥喺采访中就自曝
屋企最近多咗新成员
当佢工作好忙
唔得闲陪“进口太太”嘅时候
呢位新成员就会顶硬上哦
冇扭扭拧拧、冇闪烁其词
坤哥更直接话俾大家知
呢位新成员
係一只白色嘅松鼠狗
坤哥要追住佢
教佢厕所、陪佢散步咁
连佢都觉得
自己变咗个“爸爸”咁
而早前
坤哥嘅“进口太太”参与到
佢《百二岁》嘅mv拍摄
好多人都觉得坤嫂嘅演技
仲好过坤哥哦
参与一啲影视作品嘅拍摄啊
坤哥就大方表示
真係有帮太太倾啲合作哦
坤哥就即刻话“那是另外的价钱”啦
睇嚟保护老婆仔已经成为佢本能
“我都未同佢拍过吻戏啰！”
话说，
最近坤哥嘅业务真係几繁忙
啱啱先拍完《新闻女王》
据闻喺呢部新剧里面
佢就饰演电视台的摄影师
所以专登操fit咗自己哦
佢自己又开咗家音乐学校
创业之初
分分钟要自己落手教学
应该都忙到飞起噶啦
就连上次鸿钧仔嚟搵可乐君玩
都忍唔住“吐槽”坤哥好忙
唔得闲做佢个show嘅嘉宾了
难怪坤哥要添置个新成员
嚟帮手陪住太太啦
佢仲透露太太好似
唔太相信自己係歌手咁
所以年底佢想开翻场演唱会
向老婆仔证明自己嘅“歌手”身份哦
又要拍戏又要备show
仲要做埋老细兼老师
睇怕下半年坤哥会更加唔得闲
话时话
都有一段时间冇睇到坤哥嘅戏
接落嚟，坤哥嘅待播剧
除咗《新闻女王》
仲有《香港人在北京》
唔知你期唔期待咧
MORE 今日娱乐看点
胡鸿钧加盟新公司
寻晚Color个good friend鸿钧仔
喺广州举行巡演嘅“完美篇”
除咗演唱限定惊喜串烧歌
更邀请咗GiGi炎明熹做特别嘉宾
而最大嘅惊喜係
Hubert喺在现场官宣
自己加盟新公司
未来会投放更多时间喺音乐上
谭校长寻晚喺广州开唱
歌迷用最大的热情回应佢
喺唱到《一生中最爱》嘅时候
纷纷打开了手机灯相互呼应
校长感动到一度哽咽
最后万人合唱嘅场景
真係好touch人心啊
炎明熹好忙
show一多明星就好忙
Hubert开唱邀请炎明熹做嘉宾
GiG中午时分赶嚟现场彩排后
即刻又飞奔至广州塔
参加“夏日青春歌会”
献唱完《晚风心里吹》之后
又马不停蹄翻嚟鸿钧嘅舞台撑场啦
资料来源：微博等
网络综合整理
编辑：郭玮
审核：曾敏妍
签发：骆苹
