热播剧《你好，我的大夫》

播到接近大结局

里面靓女多多相当养眼

近年被TVB力捧嘅游嘉欣

在剧中同陈嘉慧做“糖粘豆”

饰演性格瑟瑟缩缩嘅

新扎中医师

“小花”游嘉欣

笑容甜蜜，样貌清新

被网友奉为“宅男女神”

因为外形出众

佢成功入屋转战影视线

从上年开始就

频频参演热播剧

《回归》《法言人》

呢睇剧集都会见佢嘅身影

今年游嘉欣啱结束

半工半读嘅大学生活

从香港城市大学毕业

毕业照青春靓丽

得到洪永城、陈茵媺等

圈中好友嘅祝福

//////

同样係应届生

提前起跑嘅游嘉欣

一毕业就迎来事业高峰

参演嘅剧集接连开播

除咗《你好，我的大夫》

喺接档嘅台庆剧

《罗密欧与祝英台》

游游就有份做女二号

仲同当红小生周嘉洛搭档

剧中游游嘅角色几特别嘅

会以英姿飒爽嘅形象现身

野性卷发超吸睛

仲係首次尝试枪战戏

//////

前日

《罗密欧与祝英台》剧组搞宣传

啱好撞上周嘉洛生日

游嘉欣大方为寿星公送上香吻

搞到周嘉洛瞬间面红耳赤

周嘉洛就解释

自己面红彤彤

係因为场地空气唔流通

真嘅唔係因为俾女仔锡？

游嘉欣係有名“A0女神”

(港媒常见，即冇拍过拖的靓女艺人）

点解“搞起暧昧”

竟然好似情场老手咁嘅？

原来佢哋喺剧中亲密戏好多

游游已经习惯“逢场作戏”

佢哋就话

两个角色嘅感情变化

都係剧集嘅一大看点

唔知剧中到底有几激情呢？

两人仲提前剧透咗

佢哋喺剧中嘅感情走向

从“激情四射”到“生离死别”

然后再到“合家团圆”

剧情睇落就有啲老土

但观众仲係好希望

两人可以翻出啲新意来

不过在剧集拍摄时

并唔係按二人关系嘅发展顺序拍

佢哋啱到片场埋位

仲没熟悉就要揽住锡

但拍到后面

两人已经熟悉到可以

一齐研究点样锡更深情

但两人在剧中相处

又好似冇咩火花

游嘉欣话

自己唔会拍“办公室恋情”

似乎对感情生活有另外安排

游嘉欣自己冇咩桃花

但身边人近期就喜事连连

例如好姊妹陈嘉慧

突然宣布和男友拉埋天窗

更趁国庆假期

突然在深圳完婚

连姊妹团都係临时通知

游游作为姊妹团出席

粘咗好姊妹嘅喜气

仲俾传出有恋情

但游游就连连否认

佢表示以事业为重

有意挡桃花啵！

既然咁话，大家就先睇睇

佢喺剧集嘅表现啦

来源：可乐生活Color微信公众号

编辑：张子殷

审核：曾敏妍

签发：骆苹