今届“万千星辉颁奖典礼”
唔少人都觉得啲奖项实至名归
而最令大家“惊喜”嘅
係大会司仪
竟然由丁子朗独自担正
冇do姐、农夫啲搞笑司仪镇场
要仅有几次主持经验嘅
丁丁上位担大旗
唔少网友都戥佢担忧
毕竟係主持“新丁”
一开场僵硬背稿
同艺人嘅互动又略显刻意
搞到大家都尴尴尬尬
期间丁丁除咗做司仪
仲要做埋表演嘉宾
同一班超星团成员又唱又跳
不过好在有惊无喜
都算顺利完成个show
有部分网友大赞佢诚意满满
呢次真係落足力喔
颁奖礼后
丁丁感激曾志伟
畀咗呢个机会佢
仲自评60分唔够完美
有好多地方继续改进
//////
~呐~
事业上虽然节节高升
但感情方面就有甩漏喔
同“绯闻女友”郭柏妍嘅关系
突然变得好生疏
自从丁丁撇甩对方
参加《亚洲超星团》后
郭柏妍喺活动场合中
强调自己单身
似乎要同男方划清界限
而郭柏妍自从上年
攞咗“飞跃女艺员”后
苦练演技，令更多角色入屋
今年凭《破毒强人》中
同“哑仔”何广沛搭档
获得“最佳女配角”嘅提名
不过呢边冷落“绯闻男友”
另一边又情倾第二个男仔喔
喺社交平台上
同“翻版木村”洪嘉豪甜蜜互动
先係透露自己喺对方fans
仲专程去唱片店搵对方EP
更攞起甜笑影相打卡
获得“偶像”翻牌
郭柏妍即时小fans上身
回复对方“gayauuu（加油）”
网友们都纷纷撮合两位
“俊男靓女好衬啦”
不过一向“自信”嘅丁丁
听到“绯闻女友”移情别恋
就大方回应“冇所谓”
表示唔care之余
仲大方话可以同郭柏妍合作宣传
听到靓仔“情敌”个名
甚至嗌埋对方一起合作
三个人嘅世界都可以噶？
唔通丁丁想上演现实版《燃冬》？
Anyway~
无论个人感情点发展
依家两个人虽然各有各忙
事业都係蒸蒸日上嘅
希望今年可以见到佢哋
有更好嘅表现啦！
来源：可乐生活Color微信公众号
编辑：张子殷
审核：曾敏妍
签发：骆苹
绝世小白莲
哥哥丁子高同阿嫂楊千嬅勢力強大，關係多多；應該帶很多廣告客戶來幫助這個弟弟！TVB那個藝人不努力？都是博到盡的才留下來！