由郑则仕、冼靖峰、

樊亦敏、萧正楠等人

主演嘅《神耆小子》

本周首播啦

片头曲《一家之主》

仲係由我哋个friend

尹光唱噶

“三太”樊亦敏Amy

前排上综艺节目

先锡完“小鲜肉”

如今嘅新剧里面

佢又嚟冧猪“老腊肉”郑则仕

成为全剧亮点

剧中佢饰演嘅洪玫瑰

同钱大海拍拖12年嘅

而钱大海尖酸刻薄、脾气差

首集已经同仔仔囡囡

发生冲突

作为佢身边嘅女人

洪玫瑰既醒目又识得冧人

面对电梯超重

佢自动落lift、化解尴尬

面对“太子女”发嬲唔翻屋企

佢又用“女人技巧”氹掂对方

面对钱大海时

佢更係扭计诈娇

冧到对方笑眯眯

除咗演技jeng

Amy嘅造型更吸睛喔

有观众就发现佢

一集连换8套靓衫

有红色女强人干练look、

居家休闲富婆look、

蕾丝花弗冧猪look……

红红绿绿嘅职业套装

造型好似行catwalk咁

睇到观众眼花缭乱

大赞佢够晒靓女

而Amy本人介绍

其实每套都精心安排过嘎

颜色贴合咗钱大海公司嘅logo

处处体现“玫瑰爱大海”

戏内戏外嘅细节做足满分

首集就出动咁多私伙嘢

色彩缤纷嘅造型

尽显“三太”身价啦

话说呢

Amy喺现实中都係

城中有名嘅“隐形富婆”

有传佢喺香港、日本等地

都有物业投资

仲涉猎车、首饰、手袋等

唔同领域嘅投资

喺“爱回家”系列剧中

佢饰演“三太”嘅时候

就时不时攞名贵手袋出场

角色性格泼辣但有喜感

观众都好中意佢噶

今次同好耐冇拍戏嘅

郑则仕演对手戏火花十足

唔少观众都觉得

几有新鲜感喔

而剧中多次出场嘅

有为青年“赵一鸣”

就由冼靖峰饰演

戏中被钱大海威胁

暗中调查大海个仔仔同玫瑰

首演“男二”嘅冼靖峰

演技令大家十分惊喜

从油仔样恢复翻靓仔样

加上自然嘅演技

让唔少观众表示睇得舒适

Well~

剧集啱啱开播

各个人物形象已经几丰满

剧情节奏又够紧凑

之后的剧集都好值得期待啦

来源：可乐生活Color微信公众号

编辑：张子殷

审核：曾敏妍

签发：骆苹