3月初
香港史上最大嘅体育设施
启德体育园主场馆
举行咗隆重而盛大嘅开幕典礼
话说呢个体育园
占地面积达28公顷咁大
主场馆设计主题为“东方之珠”
有成5万个观众座位
配备先进嘅开合场馆上盖系统
无论咩天气
举办赛事或演出都冇问题
今次开幕典礼咁热闹
係有一班奥运健儿嚟捧场
樊振东、林丹等运动员代表
除咗上台表演拿手绝技之外
仲同台合唱《壮志骄阳》
“微笑剑后”江旻憓
携手“宇宙最强”甄子丹
上演别开生面嘅剑术表演赛
《狮子山下·华山论剑》
各种趣味体育show
睇到观众既紧张又兴奋
流量歌手登台献声
掀起另一个高潮
林子祥&叶倩文气势如虹
叶丽仪宝刀未老
张杰、李宇春靓声绕梁三日
容祖儿、李幸倪火力全开
每一part都令观众热血沸腾
当MC张天赋登场时
观众席上尖叫不断
掌声雷鸣般响起
大家应该都知道
之前MC开演唱会门票
被人炒到天价依然一票难求
想听一次佢嘅现场真係唔容易
而今次启德体育园开幕
门票仅售10蚊港纸
因为场馆大、门票比较多
大家稍微努力一下
就可以抢到票嘅
唔少观众都话10蚊
就可以睇MC超大场馆live
坐到山顶都值回票价
▓▓▓▓▓▓▓▓▓▓▓░░░░努力加载中……
but有网友就质疑
MC今次演出嘅选曲
因为佢献唱嘅《记忆棉》中
有句歌词话：
“天花塌下，还在祝福……”
喺现场馆开幕之时
唱“塌天花”好似差啲意头
而MC事后都有表示
呢首作品係大会拣嘅
自己好荣幸受邀登台
非常enjoy呢次嘅舞台
同时亦期待
未来有机会喺呢度开show
刘德华作为压轴嘉宾登场
俾到现场观众好大惊喜
佢仲同大家分享咗
自己同启德嘅故事
原来因为爸爸工作嘅关系
佢可以话喺启德机场
听住飞机嘅起落声音长大嘅
后来睇住机场搬走
到新场馆建成
自己可以参与到开幕式中
真係超级有意义哦
//////////
新开嘅启德体育园
好多新嘅科技设施
初初启用仲係有啲甩漏嘅
有现场观众话
场馆过大、音效跟唔上
希望真係开演唱会嘅时候
音质要提升下先得
当晚活动现场嘅大屏幕
冇几耐就出现故障
有一块位置画面缺失
啱好就喺主持人面上位置
导致视觉上好似被打码
启德体育园主场馆
係有重任在身嘅
今年11月第十五届全国运动会
启德将承办其中四项重要比赛
接下来仲会承接
各种文体盛事
相信佢嘅各项设施会越来越完善
等我哋一起期待下啦
资料来源：微博、小红书、羊城派等网络信息综合整理
编辑：郭 玮
一审：曾敏妍
二审：董华海
三审：骆 苹
【微店】羊晚文创线上商店
【邮政】中国邮政微邮局
【淘宝】羊晚生活馆
【小红书】Color班马
都可以买到《可乐生活》
▼▼▼
