TVB艺人Gloria邓佩仪

最近发文话

自己已经顺利完成学业

成功攞到课程毕业证啦

而且佢决定继续留喺海外

同家人一起生活

虽然冇好明确咁表达

自己唔再翻香港拍戏

但字里行间就暗示住

都唔再眷恋以前拍戏嘅生活啦

毕竟同家人一起先最开心

曾经同佢合作过嘅艺人朋友

都纷纷留言祝福佢

并且表示支持佢嘅决定

仲记得最后一次见到佢

出现喺电视剧里面

就係将谭俊彦获“视帝”嘅

《换命真相》啦

呢部剧係邓佩仪第一次

担任大女主嘅作品

虽然佢个角色係活在“回忆中”

但因为剧情设定係穿越

所以佢就不断“现身”贯穿全剧

大家觉得呢个角色多愁善感

虽然戏份唔係太多

但因为串联整个剧本

令人印象都几深刻嘎

但啱啱完成呢部高光作品

佩仪就“销声匿迹”咗

后来喺社交媒体见佢发文

先知原来佢去外国读书

话说拍摄《换命真相》嘅时候

就一直有传闻话

邓佩仪因为演技唔OK

所以成日都NG

搞到拖垮咗成个进度

仲激嬲谭俊彦&张颖康两位男主

加上《换命》剧之后

佩仪又冇新作出街

连公开露面嘅机会都少咗

大家难免思疑

佢得罪人被“雪藏”咗

冇几耐

佩仪就话出国读书啦

大家就纷纷怀疑

佢係抵唔住啲闲言闲语

“着草”避风头？

话说邓佩仪係2013年

嗰届中华小姐冠军

出道之后拍过唔少影视作品

令人印象比较深嘅应该係

《降魔的2.0》中的“施莱斯”

呢个角色一开始与“魔”势不两立

后来因为佢嘅kiss

可以抑制罗刹“莫伟豪”

所以喺剧中

佢就同鸿钧仔成日锡嚟锡去

锡出咗戏中真感情

因为《降魔的》嘅人物设定

都有啲神神化化

佢喺里面嘅角色

都冇太多差评嘅声音

佢个角色最后结局係

被无情冰冻、含泪消逝

果一场戏睇到好多观众好

成为剧中“封神”名场面添

加上邓佩仪样子甜美

亦俾人谦虚善良嘅感觉

大家都几like邓佩仪嘅

今次佢发文明讲

自己要留喺家人身边

睇怕去意已决、冇谂住留低

点都好啦

希望佢以后无论喺咩领域发展

都可以开开心心

实现自己嘅目标就perfect晒啦

MORE  今日娱乐看点

Oscar係贝贝首位“病人”

寻晚《你好，我的大夫》开播

蔡思贝在剧中饰演中医师

而Color嘅朋友Oscar

就成为佢首个施针嘅“病人”

经过“神医贝”嘅针灸治疗

失声嘅Oscar即刻好翻晒

《南风知我意》今晚开播

由成毅&张予曦主演嘅

《南风知我意》

係一部以医疗为背景嘅

都市情感电视剧

讲男女主角开始相爱相杀

最后互相治愈嘅故事

导演灌醉肖战

肖战喺《骄阳伴我》里面

有一场满脸通红情绪激动嘅戏

原来导演为咗佢更好咁演绎

竟然灌醉咗佢哦

来源：可乐生活Color微信公众号

编辑：张子殷

审核：曾敏妍

签发：骆苹