“law霸女神”朱千雪

近日挺大肚出席活动

成个人有“孕”味又有韵味

着3寸高跟鞋仍然健步如飞

工作出名搏命嘅千雪BB

预产期就喺5月底

现在仍然身兼多职

律师、导师、代言人......

样样都keep住做紧嘅

身为律师嘅佢

话原来安排嘅工作

已经排到年底

好多嘢都难改期

所以要上庭时佢都会照上嘅

不过朱千雪都係

第一次做妈妈

佢接受采访嘅时候就自曝

自己有时都会好肉紧嘅

有一次佢着西裤上庭

返到屋企居然吓到爆喊

原来係BB成日冇咩动静

佢以为係裤头太紧整亲BB

从此之后都只敢着裙

而有经验嘅姊妹岑杏贤

就被佢叫做“百科全书”嘅

有咩都会问问姊妹

千雪BB依家已经积累咗啲经验

佢早前就喺社交平台

分享咗自己嘅怀孕日常

po文时用“小情人”来形容BB

网友纷纷都猜测

佢嘅BB会係仔仔啦~

朱千雪就回应话

要等埋爸爸妈妈过来

先会透露BB性别

而且无论男仔定女仔

都会係佢嘅小情人

佢都一样咁开心

其实对于BB嘅消息

千雪BB一直都保持低调

就好似佢初初知道怀孕时

都只係靠短信通知老公

冇太多仪式但都好开心

//////

最近陀B开工嘅落力孕妈

除咗千雪BB

仲有洪永城嘅爱妻梁诺妍

今年年初

洪永城夫妻二人就公布咗

两人将会再有一个囡囡

预产期会喺4月

一家人晒出幸福合照

齐齐等待“龙宝宝”来临

梁诺妍有keep住做运动嘅

就算有咗BB、大住嗰肚

佢都一直“带球跑”

参加各种活动

怀孕7个月时

佢陀B参与咗香港马拉松

跑10公里仅用时一小时

怪唔得洪永城

成日都话跑唔过老婆啦

到现在即将到“卸货”期

梁诺妍又晒出陀B行山vlog

前袋装一个、后背孭一个

手上仲拖住爱犬

一路上山都活力满满

见到咁嘅操作

网友纷纷留言话

“好劲”“super mom”

有网友就叮嘱佢“注意安全”

对于老婆嘅“危险动作”

洪永城一直都好支持嘅

之前跑马拉松

佢就陪老婆上场

仲帮老婆贴上“child in car”标签

毕竟都是孕妈

梁诺妍之前都有po松身裙靓相

叮嘱孕妈要“小心”

因为怀孕时抵抗力会变差

两位靓女妈咪陀B上阵

都係工作敬业、生活认真嘅表现

令人敬佩嘅

不过凡事都要量力而行

祝两位都生个健康可爱嘅BB~

来源：可乐生活Color微信公众号

编辑：张子殷

审核：曾敏妍

签发：骆苹