喺9月底嘅时候

古巨基突然宣布

自己要退出

音乐综艺《我们的歌》

原来佢前两日瞓醒

突然觉得耳仔痛

睇医生先知自己耳仔

受感染患上中耳炎

原本谂住坚持工作嘅

但痛感越发严重

中耳炎已经影响到听力

仲导致佢产生晕眩症状

佢怕影响发挥&造成后遗症

决定退出节目录制、去医病先

节目组同观众都好担心基仔

事关对于歌手嚟讲

听力真係非常重要

一唔小心可能断送歌手生涯

▓▓▓▓▓▓▓▓▓▓▓░░░░努力加载中……

时隔一周

基仔就向大家报备

自己嘅中耳炎已经好翻

耳仔嘅各种数据都好fit

医生仲赞佢拥有“黄金听力”添

基仔晒出耳仔检查报告

尽show自己嘅靓仔数据

大家见到都表示好戥佢开心

佢今次因病退出音综

大家都戥佢可惜

分分钟因此赚少好多出场费添

但相信歌迷更希望佢健健康康

以后有更多机会听佢show靓声

//////////

见到古巨基

一周就养好严重嘅中耳炎

唔少网友都发出感慨

觉得佢体质异于常人

首先係佢keep足个靓仔样咁耐

已经52岁但依然少年感十足

同另一位“不老男神”林志颖同框

加埋已经100+岁嘅两个人

好似完全冇被岁月打扰过一样

基仔除咗听力好之外

声线特别 、歌喉靓更係一绝

喺之前嘅《福禄寿训练学院》中

有唔少学员模仿佢嘅唱腔

真係别有一番风味噶

除咗佢自己劲之外

佢嘅太太Lorraine都好犀利

因为基仔好想要自己嘅小朋友

所以已经年过半百嘅太太

就顶住危险做高龄产妇

神隐大半年后

Lorraine为佢生下小宝贝

开心到基仔唔记得

话俾大家知BB嘅性别

而呢个受万众期待嘅BB仔

出生之后亦受到万众瞩目

因为佢係基仔嘅老来子

到佢20岁时

基仔已经係古稀老人啰

所以基仔喺节目中就公开表达

希望仔仔18岁就结婚生BB

等佢可以快啲抱到孙

追翻自己啲时间哦

要知道18岁喺卜卜脆嘅年纪

好多人认为呢个时候

应该专心读书嘅

但基仔就已经想仔仔

喺呢个时候成家立室

网友感慨

资深歌手嘅思想好超前

亦不禁感叹基仔一家

好似“超人家族”一般嘅举动

～well～

古巨基经常晒出

自己同仔仔嘅happy合照

时不时仲会有

佢太太同佢嘅sweet合照

网友都睇的出

基仔好敬业

亦非常锡屋企人

希望佢一直健健康康

同屋企人开开心心

继续用靓声好歌

传递啲正能量俾大家啦

资料来源：微博、剧照、小红书等网络信息综合整理

编辑：郭   玮

一审：曾敏妍

二审：董华海

三审：骆   苹